«Спутник» нашри Ички ишлар вазирлигининг матбуот котиби Бакит Сейитовнинг маълумотига таяниб Садир Жапаровнинг митингига чиққан 100га яқин тарафдори қўлга олинганини билдирди.
Reporter нашри эса қўлга олинганлар орасида собиқ депутат Канибек Осмоналиев бор бўлганини ёзди. Маълуомтга кўра, уни МХДҚга олиб боришган. Бу ҳақда собиқ депутатнинг қариндошлари хабар қилган.
Бишкекнинг Ала-Тоо майдонида 2-мартда қамоқдаги сиёсатчи Жапаровни озод қилиш талаби билан митинг ўтди. Турли маълумотларга кўра унга ярим мингдан уч ярим мингга қадар одам қатнашган.
Иштирокчилар ҳукуматдагилар билан юзма-юз учраша олмагандан кейин Оқ уй томонга жўнашганда, уларни милиция тўсган. У ердан митингчилар суриб чиқарилган.
Аввалроқ ИИВ митинг иштирокчиларига мурожаат қилиб митинг ўтказиш вақти тугагани сабабли тарқаб кетишга чақирган. Шунингдек қонун бузганларга, провакация қилишга уринганларга, жамоат тартибини ва тинч митинг талабларини бузганларга нисабатан чоралар кўрилиши айтилган.
Жапаров уч йил аввал 2013 йилдан воқеалар бўйича судланган: Қоракўлдаги акцяи вақтидаги тартибсизликлар учун ва Иссиқкўлнинг собиқ губернаторини гаровга олишда.
Митинг ҳақида батафсил ўқинг:
Жапаровни қўллаш митинги иштирокчиларни қувиб тарқатиш билан якунланди — қўлга олинганлар бор
