9 ёшдаги болани суннат қилиш процедураси 25-июлда Жети-Огуз туманининг Анг-Остон қишлоғидаги масжидда қилинган. Эртасига ота-онаси ўғлини маҳаллий касалхонага олиб келишган. Ундан қон тўхтамай, гематома бор экани аниқланган.
Туман касалхонасининг бош шифокори Канат Жумадилов «Клооп»га билдиришича, болага ёрдам кўрсатилиб, қон тўхтатилгандан кейин у уйига чиқариб юборилган.
«Масжидда антисептик муҳит йўқ-да. Процедура қандай амалга оширилади ким билади. Бу процедурага бир неча киши қатнашади, бизнинг инструментлар ҳам стерилланган ҳам. Муллалар илгари ҳатна қилишар эди, аммо уларга тақиқ қўйилган. Чунки қондан турли юқумли касалликлар юқиши мумкин. Гепатит шундай вазиятда жуда кўп юқади», — деб тушунтирди Жумадилов.
Қирғизистон мусулмонлар дин бошқармасининг (ҚМДБ) матбуот хизматидан жами Анг-Остон қишлоғининг масжидида олти бола ҳатна қилинганини «Клооп»га хабар қилишди. Аммо операциядан кейин уларнинг бирисидагина қон кетиш кузатилган.
ҚМДБдан процедурани туманнинг собиқ имоми Канибек Кожокуловнинг таклифи билан уролог амалга оширганини қўшимча қилди.
«Бунгача масжидда уролог ҳатна қилади деган эълон берилган экан. Ҳозирда туманнинг бош имомига огоҳлантириш берилди. Бундан кейин туман бўйича масжидларда суннат қилдириш тақиқланди», — деб айтишди муфтиятдан.
Қирғизистонда масжидларда хатна қилиш тақиқланган. Ота-оналар болаларига хирургия процедурасини амалга ошириш учун касалхоналарга олиб бориши шарт.
