Собиқ президент Алмазбек Атамбаев КСДПни бошқармайдиган ва ўзининг партиядаги аъзолигини тўхтатиб турадиган бўлди. Раҳбарлик хизматнинг вазифасини уч ой давомида депутат Асел Кодуранова бажариб туради.
КДСПнинг матбуот хизмати сиёсатчи партиядаги аъзолигини «Қирғиз Республикаси президентининг фаолиятининг кафолати ҳақида»ги қонунга киргизилган ўзгартирилишлар сабаб тўхтатганини хабар қилди. Унга кўра, собиқ президент даҳлсизликдан ажраб, жиноят ишининг фигуранти бўлиб қолиши мумкин.
Партиянинг сиёсий кенгашидаги бўшаган ўринга Атамбаевнинг сафдоши Фарид Ниязов сайланди.
Атамбаев КСДПдан кетаётганини суд унинг собиқ тансоқчиси Дамир Мусакеевни беш йилга озодликдан маҳрум қилиш ҳукмини чиқаргандан кейин эълон қилди. Атамбаевнинг яқин тарафдорларига қарши жиноят ишлари сўнги йиллар бўйи қўзғалиб келади.
Бунинг бари собиқ давлат раҳбарини ўзининг вориси президент Сооронбай Жээнбеков билан бўлаётган келишмовчилик ортидан бўлмоқда.
Президентларнинг ўртасидаги жанжалнинг важидан ўлканинг энг йирик КСДП партияси иккига бўлиниб кетган. Ярми Атамбаевни қўлласа, парламентдаги фракция эса, айрим депутатларни ҳисобга олмаганда Жээнбековни қўллайди.
