Суд тажовузда гумонланган милиционерни уй қамоғига қўйиб юборди

535
Иллюстратив сурат

Суд қизни зўрлашда гумонланган милиционерни уй қамоғига чиқаришга қарор қилди. У икки кун аввал, 30-январда қўлга олган.

Чуй вилоят судининг матбуот хизмати «Клооп»нинг журналистига билдиришича, 31-январда Иссиқота район суди милиционерга нисбатан жазо ўташ чораси сифатида уй қамоғини қўллаган.

Қўлга олингандан кейин милиционер вақтинчалик ушлаб турилувчи изоляторда ётган, лекин тергов ва прокуратура суддан уни қамоқда ушлаб туришнинг қонунийлигини текширишни сўраган.

Милиционер Бишкекда яшаган қиздан зўрлаш бўйича тушган аризадан кейин қўлга олинган.

Унинг айтишича, тажовуз Новопокровка қишлоғидаги Чонг Чуй каналининг (ЧЧК) ёнида ўрин олган, жиноятчиларнинг эса сони бирдан кўп бўлган.

Милиция бошқа жиноятга ҳам алоқаси борларни қидирмоқда, лекин терговда ҳозирча биргина гумондор бор. У Бишкекнинг Свердлов РИИБнинг навбатчи бўлимининг 36 ёшдаги ёрдамчиси.

Юрист Замир Жоошевнинг айтишича, бир неча киши иштирок этган тажовузни тергов изоляторига (ТИЗО) қамоққа олиш керак эди, чунки бу оғир жиноят.

«Бундай ҳолатда суд уй қамоғини қўллана олмас эди. [...] Агар практикадаги ҳолатларни айтадиган бўлсак, оддий одамларни [зўрлашга шубҳаланилганда] дарҳол [ТИЗОга] қамашади», — деди юрист.