Парламентнинг бир қанча депутатлари КТРК каналида намойиш қилинаётган «Келин» телелойиҳасини ёпишни талаб қилишди. Депутатлар кўрсатув қайнона билан келин орасидаги стереотипларни оширади деб ҳисоблашади.
Кўрсатувни ёпиш тўғрисидаги талаб парламентнинг 9-февралдаги йиғинига қўйилди.
![Депутат Аида Салянова](https://uz.kloop.asia/wp-content/uploads/sites/9/2017/02/salyanova.jpg)
Телелойиҳага қарши чиққанлардан бири «Ата Мекен» фракциясининг депутати Аида Салянова бўлди.
«Қирзларга нисбатан салбий муносабатда бўлишнинг ўрнига биз қайнона билан келиннинг ўртасидаги дўстлик, яқинлик алоқаларини ёйишимиз керак", — деди у.
![Депутат Наталья Никитенко](https://uz.kloop.asia/wp-content/uploads/sites/9/2017/02/1020911042.jpg)
Саляновани бошқа депутатлар ҳам қўллашди. Наталья Никитенко бу кўрсатувни зўравонликка тарғиб қилувчи, келиннинг асосий иши — қайнонанинг кўнглини олиш деган стереотипни мустаҳкамлайди деб ҳисоблайди.
![Депутат Айнуру Алтибаева](https://uz.kloop.asia/wp-content/uploads/sites/9/2017/02/Ajnuru-Altybaeva.jpg)
КДСПнинг депутати Айнуру Алтибаева «Келин» лойиҳасини ёпишни талаб қилиб, унга фаоллар мурожаат қилишганини айтди.
«Бу КТРКнинг лойиҳаси эмас, у лойиҳани сотиб олган, КТРКнинг жамоатчилик кенгаши фаолларнинг мурожаатини кўриб чиқиши керак», — деди Алтибаева.
![КТРКнинг раҳбари Илим Карипбеков](https://uz.kloop.asia/wp-content/uploads/sites/9/2017/02/14089060_10153814326283016_1713911761616522307_n.jpg)
КТРК каналининг бош директори Илим Карипбеков «Фэйсбук»даги ўзининг саҳифасида телелойиҳанинг мақсади аёлларни хўрлаш эмас, урф-одатнинг ўзгачалигини кўрсатиш эканлигини ёзди.
«Лойиҳа зўровонликка ҳам, бечора аёлларни эзишга ҳам, феминистларни ёки эркин қирғиз қизларини мустақиллиги учун курашувчиларни камситадиган қандайдир салбий ҳолатларга ҳам тарғиб қилмайди!» — деб ёзди у.
Томошабинларнинг фикри иккига бўлинди. Айримлари бу кўрсатув аёлларни камситишга тарғиб қилади дейишса, бошқалари уни унчали кўришмайди. Лойиҳани қўллаган ва унга қарши чиққан интернет-фаоллар имзо тўплашмоқда.
Кўрсатувни КТРК олиб чиққан ва қизиқ муҳокама бўлган танлов доирасига 26 ёшли қиз иштирок этиб, уларнинг кўрсатуви қатори танлаб олинган.
Иштироқчи қизлар «сеп» — жиҳоз ва чет ўлкага йўлланма — ютиб олиш учун сигир соғишдан тортиб бўғирсоқ пиширишгача бўлган бир қанча синовлардан ўтиши керак.
Топшириқлар барчасидан айб топадиган жанжалкаш «қайнонанинг» назорати остида бажарилади.
Муаллиф: Метин Жумагулов