Қирғизистон президенти Алмазбек Атамбаев Исландиянинг президенти Оулавюр Рагнар Гримссонга телеграмма жўнатиб, уни ўлка термасининг англияликлар устидан ғалабага эришгани ҳамда футбол бўйича Европа чемпионатининг чорак финалига ўтганлиги билан қутлади.
Атамбаев Исландиянинг президенти Оулавюр Рагнар Гримссонга йўллаган хатида исландия термасининг ўйинига ҳавас қилганини ёзди.
“Кучли жамоа руҳи, чиройли ўйин, мухлисларнинг ажойиб қўллови чуқур ҳурмат билан ҳавасни пайдо қилади”, — деб ёзилган хатда.
Президент аппаратининг матбуот хизматидан Атамбаев Исландия раҳбарига соғлиқ, тинчлик ҳамда янги ғалабаларни тилаганини билдиришди.
Бунгача Атамбаев футбол бўйича Германия термаси 2014 йили Бразилияда ўтган жаҳон чемпионатида биринчи ўринни олганда Германиянинг канцлери Ангела Меркелни табриклаган.
Унда президент германия спортчилари “чиройли ҳамда ажойиб ўйин кўрсатиб жаҳоннинг кучли футболчилари номига лойиқлик билан эришганликларини” таъкидлаган.
“Исландия — Англия” учрашуви
Исландия ҳамда Англия термаларининг ўртасидаги учрашув 27 июнда бўлиб, унинг натижасида исландияликлар англияликларни 2:1 ҳисобида ютишган. Ўйин ҳисобини биринчилардан бўлиб Англия термасининг ўйинчиси Уэйн Руни очганига қарамай, икки дақиқадан кейин исландиялик футболчи Рагнар Сигурдссон ўйин ҳисобини тенглашга эришган.
Яна 10 дақиқадан кейин у иккинчи голни киргизиб, жамоасига ғалаба олиб келган. Ўйин сўнгига қадар ҳисоб ўзгармай, Исландия жамоаси Европа чемпионатининг чорак финалига йўлланма олган. Энди ярим финалга ўтиш учун мусобақа мезбони ҳисобланган Франция термаси билан учрашади.
Мазкур мусобақа Англия термасининг мухлисларини хафа қилди, жамоанинг бош мураббийи Рой Ходжсон эса ўйин тугаши билан истеъфога кетишини билдирди. Исландия термаси учун жамоанинг чорак финалга чиқиши ўлкадаги энг асосий воқеа бўлиб қолди, чунки терма бенгача Евронинг финал қисмида ўйнаб кўрмаган.
“Исландия — Англия” мусобақаси футбол мухлислари билан ижтимоий тармоқ фойдаланувчиларининг орасида исландияликларнинг иккинчи голидан кейин овози битиб қолгунича қийқирган ҳиссиётли шарҳловчи Гудмундур Бенедиктссон сабабли яна ҳам машҳурлашиб қолган. У ўйинни шарҳлаётиб Англиянинг дарвозасига гол киргизган футболчининг номини айтиб қичқириб, охирида чийиллаб юборган.
Муаллиф: Айжамал Идирис
