Президент Садир Жапаров Медербек Сатиевни Олий суд раиси лавозимига беш йил муддатга тайинлаш тўғрисидаги фармонни имзолади.
Бир кун аввал Жогорку Кенеш Сатиевнинг номзодини бир овоздан маъқуллаган эди.
Медербек Сатиев 2013 йилда ўша вақтдаги депутатлар Садир Жапаров, Камчибек Ташиев ва Талант Мамитовни ҳокимиятни зўравонлик йўли билан эгаллашга уринишда айбланиб, оқлаган судьялардан бири бўлган. Шундан сўнг Қирғизистон Судьялар кенгаши уларни муддатидан олдин лавозимларидан озод қилган эди.
2020 йил октябрида Сатиев президент маъмурияти раҳбарининг биринчи ўринбосари этиб тайинланган. Кейинроқ у Олий суд ҳузуридаги суд департаменти директори бўлган. 2024 йил январь ойида эса Қирғизистон Олий судининг судьяси этиб сайланган.
