Бу ҳақда депутат ЖК Конституциявий қонунчилик, давлат тузилиши, суд-ҳуқуқ масалалари ва регламент қўмитаси йиғилишида баёнот берди.
Жумабеков таъкидлаганидек, ҳар йил сайловчилар иштирок этиш кўрсаткичи фоиз бўйича камайиб бормоқда. Унинг сўзларига кўра, парламент сайловларида №2 шакли бўйича овоз берган сайловчилар сони жуда юқори бўлган.
«Дам олиш кунларида одамлар ўз шахсий режаларига кўпроқ эътибор қаратишни хоҳлашади. Кимдир ҳордиқ чиқариш билан банд бўлса, бошқалар меҳмонга боришади ва ҳ.к. Сайловларни дам олиш кунида ўтказиш, менимча, кам овоз беришнинг сабабларидан бири бўлиши мумкин. Эҳтимол, сайловларни иш кунларига белгилаш керакдир? Одамлар куннинг биринчи ярмида овоз бериб, кейин ишга кетишарди», — деди депутат.
МСК раиси Нуржан Шайлдабекова депутатнинг таклифини қўллаб-қувватлади. У айтиб ўтганидек, кўпгина давлатларда бундай амалиёт мавжуд. Шайлдабекова Жанубий Кореяни мисол қилиб келтириб, бу мамлакатда сайловлар чоршанба кунига белгиланишини ва агар президентлик ёки парламент сайловлари бўлса, бу кун ишсиз кун деб эълон қилинишини қайд этди. Шунингдек, у бу таклифни келажакда кўриб чиқиш лозимлигини қўшимча қилди.
