Бу ҳақда илова асосчиси Павел Дуров 23сентабрда Телеграм-каналида ёзди.
«Биз изчилликни таъминлаш ва жиноятчиларнинг Telegram қидирув функциясини суиистеъмол қилишига йўл қўймаслик учун хизмат кўрсатиш шартлари ва махфийлик сиёсатимизни янгиладик», — деб ёзди у.
У бу чора жиноятчиларни тўхтатиш учун керак деб ҳисоблайди. Унинг қўшимча қилишича, биз тажовузкорларга миллиардлаб фойдаланувчилар билан платформамизнинг яхлитлигини бузишига йўл қўймаймиз.
Бунгача Дуров Францияда ҳибсга олинган, кейинроқ эса мамлакатни тарк этмаслик ҳақидаги огоҳлантириш билан қўйиб юборилган. Париж прокуратураси уни бир неча ишларда айблади.
Улар орасида ўсмирларнинг порнографик тасвирларини тарқатиш, гиёҳванд моддаларни сотиш, фирибгарлик ва ҳокимиятни хабардор қилмаслик, жиноий даромадларни легаллаштириш, криптографик маблағларни ноқонуний олиб киришга йўл қўядиган платформа фаолиятида шериклик борлиги қайд этилди.
