20 октябрда Қирғизистоннинг Ташқи ишлар вазирлиги Исроилдаги ва Ливандаги қирғиз фуқароларини бу давлатдан чиқиб кетишга чақирди.
Бу таклифга Яқин шарқдаги ҳарбий-сиёсий вазиятнинг барқарорсизлиги ва Фаластин билан Исроил ўртасидаги урушнинг кучайиши сабаб бўлди.
Шунингдек, вазирлик қирғизистонликларни уруш бўлаётган Яқин шарқ давлатларига бормай туриш кераклиги ҳақида огоҳлантирди.
Муассасадан кутилмаган вазият ёки шошилинч савол туғилса Консуллик департаментига +996 999 312 002 рақами орқали алоқага чиқиш кераклигини айтишди.
7 октябрда фаластинларнинг Ғазо ҳудудини нишонга олган ХАМАС гуруҳи Исроилни ракета билан ўққа тутгани маълум қилинган. ОАВда бу гуруҳ Исроилни Қуддусдаги Аль-Ақсо масжидини босиб олишда айбалагани айтилган.
Исроилда уруш ҳолати эълон қилиниб, фавқулотда ҳолат эълон қилинган. Исроил армияси «Темир қилич» деб номланган операцияни бошлаб, Ғазо ҳудудини ракета билан ўққа тутган. У ерда ҳозир ҳам уруш ҳаракатлари давом этмоқда.
Шунингдек, Исроил билан Ливаннинг чегарасида ҳам бир кундан бери уруш кучайгани хабар қилинмоқда. Бу ерда «Хезболла» гуруҳи ҳаракатга ўтгани, чегарадош ҳудудларнинг турғунлари кўчиб кетаётгани айтилди.
20 октябрга кўра Фаластин Соғлиқни сақлаш вазирлиги 4137 одам ҳалок бўлиб, 13 мингдан ортиғи яраланганини маълум қилди.
Исроил Соғлиқни сақлаш вазирлигининг маълумоти бўйича, 1400 киши ҳалок бўлиб, 4834 жароҳатланган.
