Қирғизистон Россия билан товар айирбошлаш даражасини 5 млрд долларгача етказиш ниятида. Бу ҳақда президент Садир Жапаров «Ала-Арча» давлат қароргоҳида Россия президенти Владимир Путин билан бўлган музокаралардан кейин билдирди.
Музокаралар якуни бўйича давлат раҳбарлари биргаликда баёнот беришди.
«[Музокаралар давомида] икки давлат ўртасидаги товар айирбошлаш ҳажми икки давлатнинг потенциалига мос келмаслиги бўйича бир фикрга келдик. Шу сабаб биз товар айирбошлаш ҳажмини янада ошириш бўйича чора кўришни ва ўзаро савдо 5 млрд АҚШ доллари миқдоридаги амбицияли даражага етказишга келишдик», — деди Жапаров.
Унинг айтишича, Путин иккиси «инвестиция, ўтин-энергетика комплекси ва қишлоқ хўжалиги тармоқларидаги ўзаро ҳаракатнинг йўналишларига тўхталишган». У икки давлатнинг ҳукумати ўзаро иқтисодий ҳаракатни чуқурлаштириш мақсадида иқтисодни диверсификациялаш ва йирик инвестиция лойиҳаларини амалга ошириш бўйича ишларни фаоллаштиришаётганини таъкидлади.
Ўз навбатида Владимир Путин Россия Қирғизистоннинг энг олди савдо-иқтисодий ҳамкорларидан бири эканини билдирди. Унинг айтишича, 2022 йили икки давлат ўртасидаги товар айирбошлаш ҳажми 37%га кўпайиб, 3,5 млрд долларга етган, 2023 йилнинг I ярмида эса бу кўрсаткич яна 17,9%га ўсган.
Шунингдек, Россия президенти Қирғизистонни газлаштиришни 60%га етказишга ёрдам беришга ваъда берди.
Путин Бишкекка 12 октябрда расмий сафар билан келди. Президентнинг матбуот хизмати билдиришича, учрашув ва музокаралар натижасида «қирғиз-рус биргаликдаги ҳамкорликни ривожлантиришга йўналтирилган» олти ҳужжат имзоланди.
Имзоланган ҳужжатлар: икки давлат ҳукуматлари ўртасидаги Б.Ельцин номидаги КРСУ ишлаш шартлари ҳақидаги келишув, ҚР Адлия вазирлиги ва РФ Юстиция вазирлиги ўртасидаги ҳамкорлик ҳақидаги келишув ва 2023-2024 йилларга ҳамкорлик дастури, икки давлатнинг тармоқли муассасалари ўртасидаги ўрмон хўжалигини ривожлантириш; атроф-муҳитни ва табиий ресурсларни ҳимоя қилиш борасидаги ҳамкорлик ҳақидаги ўзаро тушуниш ҳақидаги меморандум, ҚР таълим ва фан вазирлиги билан М.В.Ломоносов номидаги Москва давлат университети ўртасидаги ният протоколи, шунингдек икки давлат ҳукуматларининг ўртасидаги биологик хавфсизликни таъминлаш масалалари бўйича ўзаро тушуниш ҳақидаги меморандум.
Бугун 13 октябрда Путин Бишкекда МДҲ давлат раҳбарлари кенгашининг йиғинига қатнашади.
