Қирғизистоннинг машҳур D Billions YouTube-лойиҳасининг асосчиси Эрнист Умоталиев Қозоғистоннинг Рақамлаштиришни ривожлантириш, инновация ва аэрокосмос енгил саноат вазирлигининг бошчиси Багдат Муссин билан учрашди. Бу ҳақда 10 августда Умоталиев Инстаграм саҳифасига ёзди.
View this post on Instagram
У учрашув якунида улар келаси йилга бир неча лойиҳалар бўйича келишганини айтди.
«Бу бизнинг қардош халқ билан тиғиз ҳамкорлигимизнинг муҳим қадами бўлади. Таклиф ва вақт ажратганингиз учун катта раҳмат. Билсак, ҳурматли вазирнинг болалари ҳам бизнинг мухлисларимиз экан», — деб ёзди D Billions’нинг етакчиси.
D Billions — Қирғизистондан чиққан мусиқали гуруҳ, улар турли мавзудаги болаларнинг қўшиқларини куйлаб, контентини халқаро майдонларга, кўпроқ YouTube каналига чиқаради.
D Billions’нинг YouTube каналида 66 миллиондан ортиқ обуначиси бор. 2021 йилнинг сентябрида D Billions YouTube’нинг бриллиант босқичига эга бўлган.
Шу йилнинг май ойида D Billions гуруҳи билан Вазирлар Маҳкамаси раиси Акилбек Жапаров учрашган, у ижодий гуруҳни «давлатнинг фаҳри» деб атаб, маданиятни ривожлантиришга қўшган ҳиссаси учун фаҳрий ёрлиқ топширган.
Муаллиф: Медина Шамшидинова
