Бишкекнинг Ак-Ордо-3 участкасида йўловчи ташувчи автобус билан оғир юк ташиган машина тўқнашиб, бир киши вафот этди. Яна 23 киши турли даражада жароҳатланди. Бу ҳақда 19 июлда «Клооп»га Соғлиқни сақлаш вазирлигидан билдиришди.
Маълумотга кўра, маршрут автобусининг ичидаги бир одам ўша ерда дон берган. Жароҳатланган 11 одам касалхонага ётқизилди. Тўрттаси жонлантириш бўлимида, учтасининг аҳволи «жуда оғирлиги» айтилди.
Йўл фалокати акс этган видео 19 июлда ижтимоий тармоқларга тарқалди. Унда 169-кичик автобус йўл бўйидан йўловчи олиб юра бошлаганда ортидан катта тезликда келаётган оғир юк машинаси келиб урилганини кўриш мумкин.
Чуй вилоят милицияси «Клооп»га юк ташиган машинанинг эгаси ушланганини, ҳодисани Сўқулуқ туман ИИБи текшираётганини маълум қилди.
Шу йилнинг 20 апрелида Сўқулуқ туманининг Отбоши қишлоқ ҳукуматидаги мактаб-лицейнинг ўқувчиларини олиб кетаётган автобус йўл ҳалокатига учраган. Унда мактаб автобуси GoBus кичик автобуси билан тўқнашгани айтилган. Касалхонага умумий 27 бола мурожаат қилган.
Жароҳатланган болалар Сўқулуқдаги Лесное қишлоғининг ўқувчилари экани маълум бўлган. Улар қишлоқда мактаб бўлмагани учун қўшни қишлоққа бориб ўқишга мажбур.
