Ўш ва Жалолобод вилоятларида 19 та банкоматни бузиб, улардан пул ўғирлаганликда гумонланаётган икки шахс қўлга олинди. Бу ҳақда 30-мартда Ўш шаҳар милицияси хабар берди.
Маълумотларга кўра, гумонланувчилар 2022-йилнинг январидан 2023-йилнинг февралигача Ўш шаҳри, Ўш вилоятининг Ўзган, Қорасув, Новқат туманларида ҳамда Жалолобод вилоятининг Бозорқўрғон туманида 19 та банкоматни тўнашган.
Жиноятга гумонланувчи сифатида Ўш вилоятининг турғунлари қўлга олинган. Гумонланувчилар тергов якунига қадар Ўш шаҳар 5-сонли тергов изоляторида сақланади.
«Иккаласи аввал ҳам бир неча бор жиноий жавобгарликка тортилишган. Жиноят оламининг ғояларини қўллаб-қувватлашади», — деб таъкидлашди Ўш шаҳар ИИБдан.
Ҳозирда тергов ҳаракатлари олиб борилмоқда.
