Спортчи Айсулуу Тинибекова Мисрда ўтаётган Ibrahim Moustafa халқаро мусобақасида олтин медални қўлга киритди. Бу ҳақда Бирлашган кураш дунёсидан маълум қилишди.
Тинибекова рейтинг мусобақасида аёллар кураши бўйича 62 килограмм вазн категорияда куч синашди. У финал учрашувигача Франция, АҚШ ва Украинадан келган спортчиларни мағлуб қилди.
Финалда эса хитойлик рақибини 3:2 ҳисобида ютиб, олтин медалга эга бўлди.
Мусобақа Мисрнинг Александрия шаҳрида ўтмоқда. Спортчилар грек-рим, эркин ва аёллар кураши бўйича беллашишмоқда.
Тинибековагача қирғизистонлик полвонлар 5 медални қўлга киритишган — Акилбек Талантбек ўғли кумуш медаль, Сиймик Махмудов, Раззак Бейшекеев, Мээрим Жуманазарова ва Айпери Медет қизи кумуш медалларни олишган.
Айсулуу Тинибекова — икки карра жаҳон, тўрт марта Осиё чемпиони, Токиодаги Олимпиада ўйинларининг кумуш медаль соҳибаси ва бошқа кўплаган мусобақаларнинг ғолибаси.
