Бош прокуратура хусусий клиника директори Алмазбек Исмонқулов ва Бишкек шаҳар мэриясининг ходимларига нисбатан жиноий иш очди. Бу ҳақда 10-январда назорат органининг матбуот хизмати билдирди.
«Улар Бишкек шаҳрининг №6 клиника касалхонасининг 2-корпуси жисмоний шахсларга ижарага бериш тақиқланганига ва касалхоналарда ўринларнинг етмаслигига қарамай, ижара ҳақини атайлаб камайтириш билан ноқонуний равишда ижарага беришган», — деб таъкидлашди прокуратурадан.
Натижада давлатга 93 миллион сомдан ортиқ моддий зарар етказилган.
Мазкур ҳолат юзасидан «Коррупция» моддаси билан жиноят иши қўзғатилган. Ҳозирда тергов ҳаракатлари олиб борилмоқда.
Бейшеналиев ва Исмонқулов ўртасидаги қарама-қаршилик
2022-йилнинг 10-март куни Соғлиқни сақлаш вазирлигининг ўша пайтдаги раҳбари Алимқадир Бейшеналиев Алмазбек Исмонқуловнинг клиникасига келиб, унинг ходимларидан бинони бўшатишни талаб қилган.
Бишкек мэрияси 2-сонли кўп тармоқли шифохонанинг иккинчи биносида жойлашган клиника билан тузилган ижара шартномасини бекор қилган.
Ўтган йилнинг 29-март куни Соғлиқни сақлаш вазирлиги шифохонада таъмирлаш ишлари бошланганини маълум қилган эди. Бўлим Исмонқулов кўз микрохирургияси хусусий клиникаси жойлашган иккинчи бинонинг фасадини таъмирлашини маълум қилган. Таъмирлаш ишлари 10-15 кун ичида якунланишига ваъда беришган. Бироқ, Исмонқулов таъмирлаш ишлари бошланганига қарамай, бинони тарк этмаган.
2022-йилнинг 18-апрелида эса Исмонқуловнинг айтишича, тунда Соғлиқни сақлаш вазири Алймқадир Бейшеналиев нотаниш одамлар билан клиникага келиб, у ерда бўлганларни бинога қамаб қўйган. Вазир, ўз навбатида, Исмонқулов бинони тарк этмай, мижозларни қабул қилишда давом этиб, таъмирлаш ишларига халақит бераётганидан шикоят қилган.
Муаллиф: Медина Купсулдаева
