Қирғизистонлик актриса Калипа Таштанова Туркияда ўтган «Қўрқут Ата» турк дунёсининг кинофестивалида «Энг яхши аёлнинг роли» мукофотига эга бўлди. Бу ҳақда киношунос Гулбара Толомүшова Инстаграм саҳифасида ёзди.
Халқаро кинофестиваль 1-ноябрдан 5-ноябрга қадар Бурса шаҳрида (Туркия) ўтди.
Таштанова энг яхши роль учун мукофотни «Уй сотилади» фильмидаги образи учун олди. Фильм тўлиқ метражли бадиий фильм танловида намойиш этилди. Режиссёри — Таалайбек Кулмендеев.
Кинокартинанинг жаҳон премьераси 5-октябрдан 14-октябргача Кореянын Пусан шаҳрида зтган Халқаро кинофестивалда бўлган.
Фильмда қашшоқ яшаган, уч ёшдаги қизини тарбиялаётган ёш оиланинг воқеаси ёритилади. Улар иккинчи фарзандини кутишаётган бўлади. Уларнинг ҳаёти эр-хотинларнинг келишмаган ҳолда қилган ҳаракати сабаб кескин ўзгариб кетади.
Турмуш ўртоғининг кичик бизнеси оилани жар ёқасига олиб келади: чет элга жўнатилган товар чегарада йўқолиб қолади. Кредитни ёпиш учун турмуш ўртоғи қариндошларидан пул олиб, унинг ўрнига янги туғилган боласини беришни ваъда қилади. Аёли ҳам ҳаракатларини эри билан келишмайди. У чет ўлкада ишлаб келиш учун кетишни истаб, ҳомиласини олдиради.
