Қирғизистонликлар Туркиядаги Ислом бирдамлик ўйинларида қиличбозлик ва оғир атлетика бўйича яна 6 медални қўлга киритди.
Шу тариқа Қирғизистон ҳисобига еттинчи олтинни қиличбозлик бўйича беллашган Роман Петров олиб келди.
Канимжан Алмазбек қизи оғир атлетика бўйича турнирда 3 та бронза медалини қўлга киритган бўлса, Бекдоолот Расулбеков худди шу йўналиш бўйича 2 та бронза медалини мамлакат ҳисобига келтирди.
Қирғизистон терма жамоаси мусобақада иштирок этаётган давлатлар орасида умумжамоа ҳисобида 10-ўринга тушиб кетди. Республика ҳисобида 25 та медаль бор.
Ислом бирдамлик ўйинларининг расмий очилиш маросими 9 август куни Коняда (Туркия) бўлиб ўтган.
Очилишда Қирғизистон байроғини миллий терма жамоа сардори курашчи Атабек Азизбеков ва спортчи Айнуска Калил қизи кўтариб чиққан.
Чемпионатнинг ўзи 10 август куни бошланган ва 18 августга қадар давом этади. Унда 56 давлатдан тўрт мингга яқин спортчи иштирок этмоқда. Ўйинларда спортнинг 20 тури бўйича 483 та медаллар жамланмаси ўйналади. Мусобақада 25 нафар қирғизистонлик спортчи иштирок этмоқда.
