АҚШнинг Бирмингем шаҳрида ўтаётган XI Бутунжаҳон ўйинларида қирғизистонликлар икки медални қўлга киритди. Бу ҳақда ўйинларнинг расмий сайтида айтилади.
Масалан, Икбол Фозилжонов Қирғизистоннинг ҳисобини бронза медали билан тўлиқлади. У 63,5 вазнгача бўлган тоифада кикбоксинг бўйича мусобақада иштирок этган.
Қирғиз спортчиси Босния Герцоговинадан келган рақибини мағлуб қилган, аммо шундан кейин Мексиканинг вакилидан енгилиб қолган. Бронза медал учун мусобақада Фозилжонов қозоғистонлик спортчини мағлуб этган.
Бутунжаҳон ўйинларига аввал депутатликка номзодини қўйган Абдурахманхожи Муртазалиев ҳам қатнашган. У жиу-житсу бўйича мусобақада кумуш медал соҳиби бўлган.
У 85 килограмм вазнгача тоифада куч синашиб, Польша ва исроиллик спортчиларни мағлуб этган. Аммо финалда Муртазалиев Бирлашган Араб Амирлиги спортчисига ютқизиб қўйган.
Бутунжаҳонўйинлари — Олимпиада ўйинларининг дастурига кирмаган спорт турлари бўйича халқаро комплекс мусобақалар. Ўйинлар 1981-йилдан бери тўрт йилда бир ўтказиб келинади.
Абдурахманхожи Муртазалиев 2022-йили Бишкекнинг Свердлов сайлов округи бўйича ўтказилган қайта сайловга қатнашган. Номзод қўл саноғининг натижаси бўйича 19,52% овозга эга бўлиб, округида ғолиб бўлиб чиққан. Аммо Муртазалиевдан бир оз кам овоз олган номзод Шайлообек Атазов рақибини овоз сотиб олишда айблаб, унга қарши митинг уюштирган.
МСК 9-мартда Муртазалиевнинг депутатликка қайдини бекор қилган. ИИВнинг вакили номзоднинг «овоз сотиб олишга алоқаси борлигини» билдирган. Муртазалиевга берилган овозлар яроқсиз деб топилган. Шундай қилиб, депутатлик мандати Атазовга теккан — у энг кўп овоз олганлар рўйхатида иккинчи ўринда эди.
