Адвокат Нурбек Токтакунов Бишкекнинг Биринчи май ТИИБнинг вақтинча сақлаш жойидан чиқди. Бу ҳақда ҳуқуқ ҳимоячиси Сардар Багишбеков Твиттер саҳифасида билдирди. Маълумотни Токтакуновнинг адвокати Бакитбек Автандил ўғли ҳам тасдиқлади.
Унинг айтишича, Токтакунов 30-март куни эрталабки соат 8:30да чиққан.
«У беш сутка маълумот майдонидан четда бўлиб, дам олиб, кучга тўлиб туради. Бироқ шаҳар аппеляция инстанциясининг қарори Олий судга шикоят қилишга ўтмайди. Бироқ биз БМТнинг инсон ҳуқуқлари бўйича қўмитасида ҳақиқат учун курашамиз», — деди Автандил ўғли.
Токтакуновнинг қўлга олиниши
Бишкекнинг Биринчи май туман суди 24-мартда Нурбек Токтакуновни «судьялар — ҳеч ким эмас» деган сўзи учун майда безорилик бўйича айбдор деб топиб, беш суткага қамоққа олиш қарорини чиқарган. Бироқ Токтакуновнинг адвокатлари Бишкек шаҳар судига шикоят қилишган. Шу сабаб уни шаҳар суди ўз қарорини чиқаргунча суд залидан озод қилган.
Бироқ 25-март куни эрталаб милиция уни қўлга олиб, шаҳарнинг Биринчи май туман судининг қарори билан Биринчи май ТИИБга олиб кетган.
Бишкек шаҳар суди 28-мартда Токтакуновнинг шикоятини кўриб чиқиб, уни қамоққа олиш қарорини ўзгартиришсиз қолдирган. Токтакунов ўзи шаҳар суди «ноқонуний қарорни» қўллади деб билдирган.
«Бу қарор мендан ўч олиш учун қабул қилинди», — деган у.
