МХДҚнинг матбуот хизмати давлат ходимларининг дипломларини ва қўш фуқаролигини текшириш бўйича маълумот берди. Унга кўра, давлат хизматларида ишлаган 96 ходим қалбаки дипломдан фойдаланишда гумонланмоқда.
Маълумотга кўра, текширув асосида тўққиз одам ўз истаги билан дипломини топширди, 16 ходим ишдан кетди. Ҳозирда Жогорку Кенешнинг тўрт, шаҳар кенгашининг уч депутатини, аппаратнинг бир ходими ва икки судьянинг дипломи текширилмоқда.
Махсус хизматдан 12 давлат хизматчисининг қўш фуқаролиги текширилаётганини билдиришди. Шунингдек, касб-ҳунар лицейларининг ирида талабаларга ноқонуний диплом бериш бўйича коррупция схемаси аниқланиб, текширув ишлари бошланганини қўшимча қилишди.
МХДҚ олдинда давлат ва муниципал хизматларнинг олий маълумоти ва фуқаролигига боғлиқ ўн минглаган материаллар текширилишини таъкидлади.
МХДҚ томонидан эълон қилинган қалбаки дипломдан фойдаланишда гумонланганларнинг тўлиқ рўйхати:
- Жогорку Кенешнинг тўрт нафар депутати;
- парламент аппарати ходими;
- шаҳар кенгашларининг учта депутати;
- бир мэр;
- бир экс-мэр;
- бир вице-мэр;
- икки судья;
- Ҳисоб палатасининг битта аудитори;
- 10 нафар милиция ходими;
- Чегара хизмати ходими;
- 3 нафар солиқ ходими;
- ТИВнинг олти нафар ходими;
- Иқтисодиёт вазирлигининг икки нафар ходими;
- Транспорт вазирлигининг учта ходими;
- Қишлоқ хўжалиги вазирлигининг тўрт нафар ходими;
- Рақамли ривожланиш вазирлиги ходими;
- Экология вазирлиги ходими;
- Дин ишлари бўйича давлат комиссияси ходими;
- соғлиқни сақлаш ходими;
- 17 нафар педагог;
- Ижтимоий жамғарманинг ходими;
- икки банк ходими;
- тўртта муниципал хизматчи;
- МТУ мутахассиси;
- бир президентнинг вилоятдаги вакилининг ўринбосари;
- шаҳар кенгашининг битта ходими;
- туман ҳокимлиги раҳбари;
- еттита қишлоқ туманлари раҳбарлари;
- қишлоқ туманлари бошлиғининг икки нафар ўринбосари;
- етти қишлоқ ишчиси;
- қишлоқ кенгашининг беш нафар депутати.
