Вазирлар маҳкамасининг раиси Акилбек Жапаров Жамоат хавфсизлик кенгашининг 10-январдаги навбатдан ташқари онлайн-йиғинига президент Садир Жапаров топшириғи билан қатнашмоқда.
КХШТнинг сессиясида Қозоғистондаги вазият ва уни бартараф қилиш чоралари ҳақидаги масалалар муҳокама қилинмоқда.
Эрталаб президентнинг матбуот хизмати Садир Жапаров 10-январдан бошлаб қисқа муддатли меҳнат таътилига чиққанини хабар қилган. Билдирувда президент минкаб ва бошқа давлат органи етакчилари билан алоқада бўлиши айтилган.
Қозоғистондаги норозилик
Қўшни Қозоғистонда суюлтирилган газнинг нархи кескин кўтарилгани сабаб 2022-йилнинг 2-январида Мангистау вилоятида митинглар бошланган.
Бир неча кун ичида бошқа шаҳарларнинг яшовчилари ҳам митингга қўшилишган. Шаҳарларда намойишчиларнинг оқими 4-январда чиқа бошлаган.
Ўлкада норозилик акциялари тўхтамагани сабаб Қозоғистон президенти Қасим-Жомарт Тўқаев 6-январга ўтар кечаси Коллектив хавфсизлик шартномаси ташкилотига мурожаат қилиб, «террор хавфини енгишга» ёрдам сўраган.
Тўқаев суюлтирилган газнинг нархини туширишни ва Қозоғистоннинг биринчи президенти Нурсултан Назарбаевнинг дахлсизлигини бекор қилишни талаб қилганларни «террорчилар» деб атаган. Шунингдек, Тўқаев митингчиларга «қатъий чора кўришини» билдирган.
6-январдан бошлаб қозоқ ҳукумати митинг уюштирувчиларини «ликвидациялаш» деб аталган «тозалаш» ишларини бошлаган. Олмаота полицияси ўнлаган одамлар ҳалок бўлганини билдириб, буни «антитеррор операция» деб атаган.
Жогорку Кенеш 7-январдаги ёпиқ йиғинда КХШТнинг қарорини кўриб чиқиб, Қозоғистонга қирғиз ҳарбийларини юборишга розилик берган. МХДҚ раиси Камчибек Ташиев қўшни давлатга 150 ҳарбий, 8 бронетехника ва 11 машина юборилишини билдирган.
Расмий маълумотга кўра, Қозоғистондаги митинг вақтида куч органларининг 18 ходими ва 26 «қуролли одам» ҳалок бўлган.
Норасмий маълумотларда қўшни ўлкадаги тартибсизликлар оқибатида 164 киши ҳалок бўлгани ҳақида айтилган. Бироқ бу маълумотни Қозоғистоннинг соғлиқни сақлаш вазирлиги инкор қилган.
Бунгача Қозоғистоннинг ички ишлар вазири Эрлан Тургумбаев қўшни ўлка ҳудудидан чиқиб кетишга ҳаракат қилган 300га яқин қуролли одам қўлга олинганини билдирган.
