Президент Садир Жапаров «Қирғиз Республикаси президентини ва Жогорку Кенеш депутатларини сайлаш ҳақидаги қонунга ўзгартириш киритиш» қонунига қўл қўйди. Қонун 27-августдан кучга киради.
Янги қабул қилинган Конституцияга мувофиқ, парламентда депутатларнинг сони 120дан 90гача қисқарди. Бундан ташқари, сайлов ўтказишнинг тартиби ҳам ўзгарди: энди у аралаш сайлов системаси бўйича ўтказилади.
Кейин президент қонунни имзолаган, унга кўра Жогорку Кенешдаги 90 ўриннинг 54таси партия рўйхати бўйича, қолган 36си бир мандатли округ бўйича сайланади.
«Қонуннинг кучга кириши Жогорку Кенеш депутатларини сайлашни янги Конституция билан тайинлашга имкон беради», — деб таъкидлашди президент маъмуриятидан. Энди президент Жапаров Жогорку Кенеш депутатларини сайлаш кунини маълум қилиши керак.
Сайловнинг аралаш системаси бўйича ўтказиш таклиф қилинган сайлов ҳақидаги қонунга ўзгартиришларни киритиш бир неча марта танқид қилинган. Депутат Айсулуу Мамашеванинг айтишича, бир мандатли округ бўйича сайловнинг янги системаси аёл номзодларга тўсқинлик қилади ва парламентдаги 36 мандат эркакларга тегиши мумкин.
«Ўтган йилларнинг тажрибаси, бир мандатли сайлов бўлганда парламентга чўнтаги қалин жаноблар келишини кўрсатди», — деган депутат.
