МХДҚ 14 июнда уюшган жиноий гуруҳнинг фаол аъзоси қўлга олинганини хабар қилди. Маълумотга кўра, қўлга олинган киши «Женго» лақаби билан танилган Кадир Досоновнинг уюшган жиноий гуруҳининг фаол аъзоси.
Махсус хизмат гумондорни «Таҳдид қилиш» моддаси билан судгача текширув асосида қўлга олган.
МХДҚнинг матбуот хизмати билдиришича, гумондор ва у бошлаган УЖГнинг аъзолари шу йилнинг 18 майида Ўш шаҳрининг турғунини шаҳар четига олиб бориб қўрқитиб пул талаб қилишган.
«Жабрланувчини Ўш шаҳрининг четига уч машина билан қийнаб олиб бориб, қурол билан қўрқитишган. Жисмоний куч ишлатиб, жабрланувчининг «Мерседес-Бенс» машинасини тортиб олиб, «общаковская кассага» деб 300 000 сом талаб қилишган. Қийноқлар ва таҳдидларга қатнашган одамлар орасида Досоновнинг шахсий ҳайдовчиси деган «Р.у.А.» қўшимча яна 1000 АҚШ доллари талаб қилган», — деб билдиришди МХДҚдан.
Мазкур жиноятга алоқаси бор бошқа одамларни аниқлаш бўйича тегишли чоралар бормоқда. Гумондор МХДҚнинг Ўш вилоятидаги бошқармасининг тергов қамоғига киритилди.
Кадир Досонов
Досонов — Ўшдаги уюшган жиноий гуруҳнинг бошчиси қатори «Женго» лақаби билан маълум. У жорий йилнинг 11 февралида қўлга олиниб, қамоққа киритилган.
Бироқ Досоновнинг адвокати Назгул Суйунбаева «Женго» МХДҚга ўзи келганини билдирган. Шунингдек, у Досоновнинг ўғлига ва собиқ аёлининг қариндошига ҳуқуқ тартибот органи томонидан гиёҳванд моддалар «ташланганини» таъкидлаган.
Бундан ташқари адвокат МХДҚнинг ходимлари Досоновга бунгача «халқ кўзига таслим бўлишни» таклиф қилганини очиқлаган. Адвокатнинг айтишича, махсус хизмати «Досонов оз ўтириб чиқади» деб ваъда қилган.
Бироқ Суйунбаева бу таклифдан бош тортгандан кейин махсус хизмат унинг уйида «ноқонуний» тинтув ўтказганини хабар қилган.
МХДҚ ўтган йилнинг 30 ноябрида Досоновни «мулкка қарши оғир жиноий иш қилишда иштироки бор» деб уни қидирувга берган.
Женго қўлга олингандан кейин 17 февралда МХДҚ уни «Жиноий йўл билан топилган даромадларни легаллаштиришда» гумон қилаётганини хабар қилган. Шунингдек, Досоновга ва унинг яқин қариндошларига турли классдаги 19 автомашина, 15 турар-жой ва 35 ер участкаси расмийлаштирилганини билдирган.
Кадир Досонов 2015 йилнинг февралида милициянинг полковниги Толкунбек Шоноевни ўлдиришга буйруқ беришда айбланган. 2017 йили Қорасув туман ва Ўш вилоят судлари уни оқлаган. Кўп ўтмай бу қарорни Олий суд ҳам ўз кучида қолдирган.
