Миллий статистика қўмитаси АИ-92 маркасидаги бензиннинг нархи бир ойда қанчага ошгани бўйича нисбий маълумот билан бўлишди.
Миллий статқўмнинг маълумотига кўра, нархларнинг мониторинги 11 мартга кўра АИ-92 маркасидаги бензиннинг баҳоси февралга нисбатан республика бўйича ўртача 11,5%га ошганини кўрсатди. Бундан ташқари шу вақт оралиғида дизелнинг нархи 7,2%га кўтарилган.
Статқўм таъкидлашича, 11 мартга кўра нархларнинг энг юқори ўсиши ўтган йилнинг 11 февралига қараганда Покровка қишлоғида (18,6%), Талас (16,8%), Кербен (14,4%) ва Баткен (14,1%) шаҳарларида рўйхатга олинган.
Дизель ёқилғининг нархи Қораболта (12,8%), Баткен (12,5%) шаҳарларида ва Покровка қишлоғида (11,3%) энг юқори кўрсаткичга етган.
Нарх кўтарилади
9 мартда Жогорку Кенешнинг ўтин-энергетика комплекси ва ер хазинасидан фойдаланиш бўйича қўмитасининг йиғинида Энергетика ва енгил саноат вазирининг ўринбосари Айтмамат Кадирбаев ёқилғи-мойловчи воситаларнинг нархи яқин орада яна кўтарилишини билдирган.
Кадирбаев нефтетрейдерларнинг маълумотига таяниб, 2021 йилнинг январь-февраль ойларида Россиянинг нефть ишлаб чиқарувчи заводларида нархлар 1 тонна бензин учун 100-150 АҚШ долларига, дизель ёқилғисиники 1 тоннаси учун 40-60 АҚШ долларигача кўтарилганини айтган.
«Шу сабаб яқин орада бензиннинг нархи яна 7-10 сомга, дизелники 3-4,8 сомга ошади», — деди у.
2 мартда ҳукумат раҳбари Улукбек Марипов Қирғизистондан мазутдан ташқари нефт маҳсулотларининг барча турларини Евросиё иқтисодий иттифоқи чегарасидан ташқарига олиб чиқишни (экспорт қилиш) вақтинча тақиқлаган. Тақиқ ички бозор тўлдирилгунча ёки Евросиё иқтисодий иттифоқининг нефть ва нефть маҳсулотларининг умумий бозори тузилгунча амалда бўлади.
Шундан сўнг Марипов ўлкада ёқилғи-мойловчи воситаларнинг нархи қимматлаши бўйича фикр билдирган. Марипов ёқилғи-мойловчи воситаларнинг нархини барқарорлаштириш ва танқислик бўлмаслиги учун ҳукумат барча керакли чораларни кўришига ваъда берди. Шунингдек, Мариповнинг айтишича, агар нархларни барқарорлаштиришни имкони бўлмаса, қирғизистонликлар учун қишлоқ хўжалиги маҳсулотлари қимматлайди.
