Парламент депутати Аида Исмаилова 30-июлда сайловларда қоида бузарликлар учун жазоларни кучайтиришни таклиф қилувчи қонун лойиҳасини жамоат муҳокамасига чиқарган.
Исмаилова сайловларда овозларни сотиш учун 20 мингдан 30 минг сомгача жарима пули киргизишни истайди, аммо агар овоз сотиб олинаётгани ҳақида ўз ихтиёринг билан билдирсанг бу жаримадан қутилиб қолиш мумкин.
«Сотиб олишга самарали қарши туриш учун сайловчиларнинг озод фикрини ўзгартирган сотиб олишнинг салбий оқибатлари ҳақида тушунтириш ишлари орқали бу кўринишни ижтимоий айбловга фуқароларни ўзининг иштироки жуда муҳим», — деб айтилади ахборот-иловада.
Депутатнинг маълумотига кўра, 2017 йилдаги президентлик сайловида сотиб олиш факти бўйича 30 мурожаат келиб тушган, уларнинг ичидан 11 ҳолат бўйича материаллар судга жўнатилган. Қолган мурожаатлар бўйича иш қўзғашдан бош тортилган ёки тарафларнинг келишуви боис иш тўхтатилган.
Амалдаги қонунлар бўйича, овоз сотиб олиш учун 180 мингдан 260 минг сомгача жарима солиниши мумкин ёки 2,5 йилгача озодликдан ажратиш жазоси кўзда тутилган.
Бундан ташқари, қонун лойиҳасида «маъмурий ресурсларни хиёнат билан фойдаланиш» учун 30 мингдан 60 минг сомгача жарима кўзда тутилган, давлат ёки муниципал ташкилотларнинг раҳбарларини эса маълум бир хизматларда 1-2 йил ишлаш ҳуқуқларидан ажратиш таклиф қилинган.
«Сайлов олди сайлов кампаниясини ўтказишда номзодларнинг “маъмурий ресурсдан фойдаланганлигидан” шикоятларни ўрганиш ва унинг характери қонунда айбдорларни жавобга тортиш механизмлари йўқ эканини кўрсатди», — дейилади қонун лойиҳасида.
Бундан ташқари, президентликка, парламентнинг ва маҳаллий кенгашларнинг депутатлигига номзодларга бошқа давлат фуқаролиги бор эканини яширгани учун 20-30 минг сом жарима солиш таклиф қилинмоқда. Бундай қоида бузарлик учун давлат ходимларига 1-2 йил айрим лавозимларни эгаллаш ҳуқуқидан ажратиш билан бирга 30-60 минг сом жарима солиниши мумкин.
