Миллий хавфсизлик давлат комитети Транспорт министрлиги қошидаги хўжалик департаментининг раҳбари Арстанбек Ибраевни қўлга олди. У Норин дарёсидан ўтувчи кўприк таъмири учун ноқонуний тендер ўтказишда гумонламноқда.
МХДКнинг матбуот хизматининг билдиришича, Ибраев «Кербенжолкурулуш» компанияси билан кўприк таъмири учун 45,8 млн сомга ноқонуний шартнома тузган.
Шундан сўнг у мазкур ширкатга банк кафолатисиз 35,3 млн сом аванс ўтказган.
«Кейинчалик, ушбу маблағлар ишлатиб юборилган, кўприк эса ҳозиргача фойдаланишга топширилмаган», — дейилади махсус хизмат хабарида.
Ибраев Қирғизистон манфаатларига зид тарзда хизмат лавозимини суистеъмол қилиш ва тендер ўтказиш қонунини бузишда айбланмоқда.
Гумондор МХДКнинг ТИЗОсига киргизилди. Тергов ишлари олиб борилмоқда.
