Қирғизистонда туғилган россиялик боксчи Дмитрий Биволга бундай совғани давлат раҳбари Садир Жапаров тақдим этди.
Спортчи ижтимоий тармоқларда совға суратларини эълон қилди — у олтин-қўнғир рангдаги Rolls-Royce Silver Wraith автомобилининг суратини жойлаштирди. Бивол инстаграмдаги фотосуратида Жапаровнинг саҳифасини белгилади ва постни «Фантастик совға» сўзлари билан изоҳлади.
Бивол шунингдек, президентнинг ўғли Рустам Жапаров унга автомобиль калитларини топшираётган видеони ҳам эълон қилди.
«Садир Нурғожоевичимиздан чемпион-акага самимий туҳфа», — деди Жапаровнинг ўғли.
Tolom.kg портали маълумотига кўра, 1977 йилда ишлаб чиқарилган ушбу автомобилнинг двигатели ҳажми 6,7 литрни ташкил қилади.
Classic.com авто савдо майдони маълумотларига кўра, шу йилдаги Rolls-Royce Silver Wraith автомобилининг энг қиммат сотилгани 2021 йилда аукционда 31 минг доллардан кўпроққа сотилган. Ҳозирги курс бўйича бу тахминан 2,7 миллион сомга тўғри келади.
