Жалолобод вилоятининг Сузоқ туманида 26 октябрь куни чиқиндиларни қайта ишлаш заводи очилди. Очилиш маросимида Вазирлар Маҳкамаси раҳбари Ақилбек Жапаров иштирок этди.
Завод Жалолобод шаҳрининг чиқинди полигони ҳудудида жойлашган бўлиб, унинг майдони 9 гектарни ташкил қилади.
У йилига 20 минг тоннагача чиқиндиларни қайта ишлаш қувватига эга бўлиб, кундалик истеъмол товарлари ва қурилиш материалларини ишлаб чиқаради.
Жалолобод шаҳар ҳокимияти маълумотига кўра, заводни қуриш 133 миллион сўмга тушган. 2023 йилда давлат бюджети ҳисобидан шаҳар эҳтиёжлари учун 2 миллиард сўм ажратилган.
Шу вақтда пойтахт ҳокимияти Бишкек учун чиқинди полигони, чиқиндиларни қайта ишлаш ва саралаш заводи қурилишини 10 йилдан ортиқ вақтдан буён амалга ошира олмаяпти. 2013 йилда ЕТТБ бу мақсадда Бишкекка 22 миллион евро ажратган эди. Ҳозиргача бу маблағлар қаерга сарфлангани ноаниқ.
