Бишкек шаҳар мэрининг ўринбосари Жамалбек Ирсалиев «Биринчи Радио»га берган интервьюсида йўл ҳақини нақдсиз тўлаш бўйича гапирар экан, «Тулпар» картасига юқори лавозимдагиларнинг ҳеч қандай алоқаси йўқлигини таъкидлади.
Ирсалиевнинг айтишича, «Тулпар» картасини Бишкек мэриси Швейцариянинг «БПЦ КГ» компанияси билан ҳамкор қатори тузган.
«Тулпар картасини юқори лавозимдагиларники экан деб суриштирув тайёрлашибди. Ҳеч қандай ҳукуматда ўтирганларнинг, уларни оиласининг ҳам алоқаси йўқ. Биз билан давлатнинг ва ҳусусий томон ҳамкорлиги деган нарса бор. 50 фоизи мэрияни, 50 фоизи БПЦники. Булар 2019 йилдан бери ишлаб келаётган компания»,— деди мэрнинг ўринбосари.
Аввалроқ Болот Темиров «Тулпар» карталари бўйича суриштирув эълон қилган. Унда Садир Жапаров «Тулпар» карталарини реклама қилиб, уларни сотишдан хорижий компаниялар фойда кўраётгани ҳақида айтилган.
Темиров Адлия вазирлигининг маълумотига таяниб, жамоат транспортида нақдсиз тўлов тизимини киритиш билан шуғулланаётган «БПЦ КГ» компаниясининг таъсисчилари орасида бошқа компаниялар ҳам борлигини таъкидлаган.
Кейин президентнинг матбуот котиби Аскат Алагозов президент учун энг асосийси — нақд бўлмаган тўлов тизимини киргизиш эканини таъкидлаб, давлат раҳбарига «уни ким амалга ошираётганининг фарқи йўқ» деб билдирган.
