«Альянс» фракциясининг депутати Гулкан Молдобекова «Азаттиқ» радиосига ўз ёрдамчисининг Миллий хавфсизлик давлат қўмитаси ходимлари томонидан ҳибсга олиниши бўйича изоҳ берди.
У Ўзбекистонда эканини таъкидлаб, содир бўлган воқеадан ҳайратда қолганини билдирди.
Молдобекованинг сўзларига кўра, унинг ёрдамчисини тинтув ва ҳибсга олиш унинг ишхонасида эмас, қабулхонада бўлган. Унинг таъкидлашича, ҳибсга олиш ҳужжатларни қалбакилаштириш билан боғлиқ бўлиши мумкин.
«Мен ёрдамчимнинг шахсий бизнеси борлиги, шу сабабли уни ҳибсга олишганлиги ҳақида маълумот олдим. [ёрдамчилардан] бири амалиётда эди, мен у бўйича ҳужжатларни ҳали имзолаганим йўқ. Бу ҳужжатларни қалбакилаштириш билан боғлиқ, деб эшитдим. Илгари у олтинчи чақириқда ҳайдовчи бўлган, еттинчи чақириқда эса уни ўз ёрдамчим қилиб олдим [..] Ҳозирча у билан боғланганим йўқ» – деди депутат.
Аввалроқ ОАВда Миллий хавфсизлик давлат қўмитаси ходимлари депутат Гулкан Молдобекованинг ишхонасида тинтув ўтказгани ҳақида маълумот пайдо бўлган эди. Кейинроқ 24.kg нашри Жогорку Кенеш биносидан икки эркакнинг қўлига кишанланган ҳолда олиб чиқилаётгани акс этган видеони эълон қилди.
Миллий хавфсизлик давлат қўмитаси ҳозирча бу маълумотга изоҳ бермади.
