Экономика ва савдо вазирлиги қарор лойиҳасини жамоатчилик муҳокамасига чиқарди. Лойиҳага кўра, тадбиркорликнинг бир қатор турларида фаолият юритаётган тадбиркорларга назорат-касса машиналаридан (ККМ) фойдаланиш мажбуриятини юклаш таклиф этилмоқда.
Вазирлик мазкур таклифи билан ККМ фойдаланиши шарт бўлмаган тадбиркорлик турлари рўйхатидан қуйидагиларни олиб ташлашни таклиф қилади:
- Спиртли ичимликларни ва тамаки маҳсулотларини қўшмаганда, газеталарни ва журналларни, шунингдек уларга қўшимча бўлган товарларни газета-журнал киоскаларида сотиш;
- гулчилик маҳсулотлари, қишлоқ хўжалиги маҳсулотлари, нон маҳсулотлари, миллий ва тетиклантирувчи ичимликларни аравалар, кўчма пештахталар, савдо расталари ва ларекторлардан фойдаланган ҳолда чакана савдоси;
- квас, сут, миллий ва алкоголсиз ичимликлар чакана савдоси.
Қарор лойиҳасида янги қоидалар 2024 йил 1 январдан кучга кириши ҳам қайд этилган.
Ҳукумат янги Солиқ кодекси кучга киргандан сўнг барча турдаги тадбиркорлик субъектларини ККМдан фойдаланиш мажбуриятини юклаш бўйича ўз саъй-ҳаракатларини фаол бошлади.
ККМнинг жорий этилиши бозорларда патентлар билан ишлайдиган тадбиркорларнинг норозилигига сабаб бўлди. Шу муносабат билан мамлакатимизнинг турли вилоятларидаги бозорда ишлаётган савдогарлар бир неча бор ККМга қарши митинглар уюштирган.
