11 октябрдаги ҳолат бўйича Исроил ҳудудидаги вазият кескинлашиши натижасида жабрланганлар орасида Қирғизистон фуқаролари йўқ. Бу ҳақда Қирғизистоннинг Исроилдаги элчилигига (резиденцияси Анқарада жойлашган) таяниб қирғиз ТИВ билдирди.
Муассасанинг маълумотига кўра, Исроилда умумий 90 қирғизистонлик бор, уларнинг орасидан 20таси давлатдан чиқиб кетиш ниятини билдирган. Ҳозирда қирғизистонликларни чиқариб кетиш бўйича масала кўриб чиқилаётгани таъкидланди.
Қирғизистоннинг Исроилдаги элчилиги ўлка ҳудудида яшаётган қирғизистонликларга хавфсиз жойларда қолишни ва ҳарбий тўқнашув бўлаётган чегара ҳудудларига бормасликни сўрайди.
Шунингдек, элчилик туну кун ишлаётган ишонч телефонларини қолдирди: +90 5456896800 (Элчилик рақами), +972 533214916 (ҚР Исроилдаги фаҳрий консули).
7 октябрда Фаластиннинг ХАМАС ҳаракати (Исроилда террористик деб топилган «Ислом қаршилик ҳаракати») Исроилнинг жанубига ҳужум қилиб, давлат ҳудудига кириб келган. Исроил ҳукуматининг сўнгги маълумотига кўра, ҳужум натижасида 1300га яқин одам ҳалок бўлиб, 3300 киши жабрланган. Дастлабки маълумотлар бўйича, юзлаган одамлар гаровда қолмоқда.
Кўп ўтмай Исроил ҳукумати ўлка «уруш ҳолатига» ўтганини билдириб, Ғазо сектори ҳудудидаги объектларга ҳужум бошлаган. Исроилнинг Мудофаа вазири Йоав Галант буларни билдирган: «Улар бу учун қаттиқ ўкинади, Ғазо ҳеч қачон аввалги ҳолатига қайтмайди». Шунингдек, Исроил тўлиқ Ғазо секторини блокадага олишга киришиб, фаластинлик анклавга озиқ-овқат, ёқилғи ва электр энергиясини ташиши тўхтатилаётганини маълум қилган.
Умумий олганда, Ғазо секторида турли ҳисобларга кўра, 2 млндан 2,5 млнгача одам яшайди. Аҳолининг зич жойлашиши — дунёдаги энг юқори кўрсаткичлардан бири.
Фаластин томоннинг маълумоти бўйича, Исроилнинг Ғазодаги ҳужуми натижасида 1200га яқин одам ҳалок бўлиб, 5600 киши яраланган. БМТнинг Гуманитар масалаларни координациялаш бўйича бошқарманинг маълумотига кўра, Ғазо секторида 338 мингдан ортиқ одам уйини ташлаб кетишга мажбур бўлган.
