4 октябрда Кампиробод иши бўйича қамалганларнинг тарафдорлари Бишкекнинг Биринчи май туман суди олдида акция уюштиришди. Улар суд мажлиси очиқ ўтишини талаб қилишди.
Йиғилганлар «Осиқ суд бўлсин», «Ҳукумат ҳақиқатдан қўрқади», «Ватанни ҳимоя қилиш жиноят эмас — мажбурият» деган ёзувли плакатларни кўтариб туришди.
«Иш бўйича бир йилдан бери очиқ суд бўлмаяпти. Яширин қилиб, қандай судлашмоқда номаълум. Судни жуда чўзишмоқда, шунчаки вақт ўтказишяпти. Ёзганларида ҳам ҳеч қандай далил йўқ. Булар асоссиз судлашмоқчи, шунга яширин қилишмоқда. Бир йилдан бери асоссиз қамаганини ёпиш учун қилган иши», — деди қамоқдаги журналист Айданбек Акматовнинг аёли.
Ҳуқуқ ҳимоячиси Рита Карасартова Кампиробод иши бўйича қўлга олинган 25 кишининг 11и қамоқда эканини билдирди. У юқори инстанциядаги суднинг «давлат сири деган қисми ёпиқ, қолганини очиқ ўтказиш керак» деган ҳукми борлигини таъкидлаб, талаб бажарилмаётганини айтди.
Бугун Кампиробод иши бўйича Биринчи май туман судида мажлис ўтмоқда. 27 сентябрда суд мажлиси бўлмаган, унга мажлис ўтадиган залда аудио ва видео ёзиш аппаратлари ишламагани асос бўлган.
Кампиробод иши
2022 йилнинг октябрида Кампиробод сув омборини Ўзбекистонга берилишига қарши чиққан 30га яқин фаол ва сиёсатчи қўлга олинган. Куч органлари уларга «Оммавий тартибсизлик уюштиришга тайёргарлик кўрган» деб айб қўйишган.
Уларнинг кўпи асоссиз қамалганини айтиб, очлик эълон қилиб, ноябрда бошланган акция декабрнинг охиригача давом этган. Айримлари суд мажлисларида ҳушини йўқотса, бошқалари аҳволи оғирлашиб кетгани учун касалхонага ётқизилган.
Қўлга олинганларнинг бари Кампиробод сув омборини Ўзбекистонга ўтишини очиқ танқид қилишган, улар шу очиқ айтган сўзлари ўзларини қамоққа олишга асос бўлган дейишади.
Фаол, сиёсатчиларни қўлга олинишини бир қанча депутатлар айблаб, Human Rights Watch халқаро ҳуқуқни ҳимоя қилиш ташкилоти Қирғизистон ҳукуматидан қўлга олинганларнинг барчасини озод қилишга чақирган.
