Креатив индустриялар ассоциациясининг кузатув кенгашининг раиси ва тадбиркор Данияр Аманалиев Телеграм каналида Иқтисод ва савдо вазирлиги Креатив индустриялар паркига (КИП) тегишли қарор лойиҳасини жамоатчилик муҳокамасига чиқарганини билдирди.
Аманалиев ҳужжатда фаолият турларининг рўйхати йўқ бўлаётгани КИПни ишга тушишини кечиктирмоқда деб айтди.
«Рўйхат ярим йил олдин бизнинг бевосита иштирокимиз билан ишлаб чиқилган, уч ой олдин барча тегишли давлат муассасалари билан келишилган. Билишимча буни бир сабаб билан эълон қилишмаяпти. У аниқ бир кишига ёқмаяпти», — деб ёзди Аманалиев.
Тадбиркор ҳужжатнинг иккинчи пункти «ўлкада аввалдан ваъда қилинган Креатив индустриялар паркини ишга туширишга тўсқинлик бўлаётган» одам ким деган саволга жавоб беришини тушунтирди.
«Бу пункт орқали Молия вазирлигининг Кузатув кенгашидаги вакили Эдил Байсаловга алмаштирилмоқда — у Вазирлар Маҳкамаси раисининг ижтимоий блокни координациялаган рус ўринбосари», — дейди Аманалиев.
Бундан ташқари, тадбиркорнинг айтишича, ҳужжатдан паркни тузиш иши билан бунгача қонунга ва қарорларга барча тузатишларни киритган Креатив индустриялар ассоциацияси эмас, бошқа тузум шуғулланишини тушунса бўлади. Шунингдек, у мазкур қарор лойиҳасининг 2.4 пункти КИПнинг резидентларини танлаш критерийини шубҳа остига қўйишини қўшимча қилди.
«КИПнинг резидентлари солиқ имтиёзларини олишини ҳисобга олганда, бундай субъективлик Кузатув кенгашига қатнашадиганларнинг барига катта хавф яратиши мумкин», — деб тушунтирди у.
Аманалиев ҳужжатнинг маълумотномасида бу тузатишнинг бари биргина одам сабаб таклиф қилинганини ҳам таъкидлади.
«Бу маълумотномага биргина асос келтирилган, бу қарор аниқ бир одамнинг манфаати учун қабул қилинаётганини очиқ айтиб турибди: “Бироқ Байсаловнинг топшириғига кўра, Вазирлар Маҳкамасининг “Креатив индустриялар паркини тутишга боғлиқ айрим масалалар ҳақидаги” қарорига тегишли ўзгартиришларни киритиш топшириғи қўйилган», — деб ёзди у.
Тадбиркор бу қарорни қабул қилиш КИПнинг ғоясини таг-туги билан тугатиб, Қирғизистонни «креатив иқтисодининг ривожланишини шунчалик қўллаган» дунёдаги биринчи давлат бўлиш имконидан маҳрум қилиб қўйиши мумкин деб ҳисоблайди.
Шунингдек, Аманалиев президент Садир Жапаров ва Вазирлар Маҳкамаси раиси Акилбек Жапаровдан бу қарорни жамоатчилик муҳокамасидан олиб ташлашга чақирди.
КИПнинг расмий очилиши 29 июлда Бишкекда ўтган. Тадбирда Вазирлар Маҳкамаси раиси Акилбек Жапаров республика «камбағал давлат синдромидан қутилди», энди «Қирғизистоннинг иқтисодий ўсишини кўпчилик умид қилган босқичи бошланди» деб билдирган. Парк креатив индустриялар учун имтиёзли солиқ режимини киритади, бу уларнинг ривожланишига туртки бериши керак.
Бироқ ҳозирча бундай имкониятдан фойдаланишнинг имкони йўқ. КИП расмий ишга тушгани билан унинг дирекцияси ҳамон ишлаб чиқилмаган. Паркнинг кузатув кенгаши йиғилмагунча иш бошлолмайди. Кенгашга тадбиркорлардан ташқари давлат томонидан тайинланган икки киши кириши керак — давлат эса улар кимлар бўлишини ҳам ҳал қилмаган. КИПга у ёки бу тадбиркорни рўйхатга олишни мана шу дирекция ва кузатув кенгаши ҳал қилади.
Бундан ташқари, давлат тадбиркорликнинг «креатив» тармоқлари рўйхатини аниқлаб битмаган. Қонунда креатив иқтисоднинг умумлаштирилган 20 тармоғидан иборат рўйхат ёзилган.
