Боткендаги қирғиз-тожик чегарасида чиққан можаро икки томонлама текширилади, ҳозирда вазият барқарор. Бу ҳақда 25 июлда Чегара хизмати билдирди.
Маълумотга кўра, Боткен туманининг Дача ҳудудида қирғиз-тожик фуқаролари ўртасида чиққан жанжалдан кейин икки томонлама сўзлашувлар ўтказилган. Унинг натижасида ҳуқуқни ҳимоя қилиш органлари қўйган тўсиқларни олиб, жанжални олдини олиш, биргаликда назорат қилишга келишилган.
Шунингдек, томонлар воқеани текшириб, унга алоқаси бор одамларни аниқлаб, келтирилган зарарни тўлаш борасида сўзлашишган. Тожикистон томон Қирғизистон ИИВ ходимининг машинасига етказилган зарарни тўлаб беришга тайёрлигини билдирган.
Бундан ташқари, чегарадош қишлоқларнинг яшовчиларига тушунтириш ишлари олиб борилди.
25 июлда соат 9:00да Қизил-Бел-автойўл ўтказиш бекатида Боткен вилоятининг ва Тожикистоннинг Согди вилояти куч тизимларининг бошчиларини учрашуви бошлангани маълум қилинди.
Чегара хизмати 24 июлнинг кечида Боткендаги қирғиз-тожик чегарасида икки давлат аҳолиси ўртасида муштлашув чиққани хабар қилган.
Маълумотга кўра, жанжал Ак-Сай — Кок-Таш автойўлида чиққан. Ак-Сайнинг турғунлари кетаётган машинани Ворух анклавидан Хожаи Аъло қишлоғига кетаётган тожик фуқаролари машиналари билан тўсишган.
Бунинг натижасида Дача ҳудудида мазкур турғунларнинг ўртасида муштлашув бўлган. Воқеа бўлган жойга ИИВнинг ходимлари борганда Хожаи Аъло қишлоғининг турғунлари унга ҳужум қилгани айтилган.
«Қирғизистоннинг ИИВ ходимлари у ердан қочиб чиқишга улгирган, Тожикистон фуқаролари уни калтаклашга ҳаракат қилиб, автомашинасининг орқа ойнасини синдиришган», — деб билдирган Қирғизистоннинг чегара хизмати.
Жанжалдан кейин икки томонлама музокаралар ўтказилиб, куч тизимлари вазиятни барқарорлаштириш учун чора кўра бошлаган.
Муаллиф: Айчурок Кенжекулова
