Ташқи ишлар вазирлиги 18-23 ёшли қиз-келинларнинг чет ўлкага чиқишини чеклаш Конституцияга қарши келишини ҳамда инсон ҳуқуулари ва эркинлигини бузиш ҳисобланишини билдирди.
Вазирликдан, чет элдаги қирғиз диаспоралари вакиллари, фаоллар ва парламентнинг айрим депутатлари томонидан бу масала тез-тез кўтарилаётганидан, икки марта муҳокама уюштирилганини билдиришди.
Муҳокамалар натижасида вазирлик чет ўлкадаги қирғиз фуқаролари орасида жиноятни озайтириш ва ташқи миграция билан боғлиқ ҳолда, жумладан аёлларнинг аҳволини яхшилаш бўйича давлат органларига таклиф тайёрлаётгани айтилди.
«Бу таклифлар аёлларнинг ташқарига чиқишига қандайдир бир чекловларни киритишга боғлиқ эмас, миграция хавфсизлик шароитларини яхшилаш ва чет элда юрган қиз-келинларни ҳимоя қилишга қаратилган», — деб айтилади билдирувда.
Аввалроқ Ташқи ишлар вазири ўринбосари Айбек Имангазиев фуқаронинг ўзи хорижга чиқиши мумкин бўлган ёшни ошириш масаласи Ташқи ишлар вазирлиги томонидан текширилаётганини маълум қилган.
Жогорку Кенешнинг 31 майдаги йиғилишида депутат Дастан Бекешев 23 ёшгача бўлган қизларнинг хорижга чиқишига чеклов киритилишига қаршилигини билдирди.
«Бундай таклифларни бераётганда салбий таъсири ҳақида ўйлаш керак. Бошқа ўлкалардан келганлар ҳам қараб: «Қирғизлар нима қиляпсизлар, деб. Худди шундай амалиёт Камбоджадаги авторитар режимда бўлган. Кейин яна бекор қилишган. Бошқа мамлакатларда бундай нарса йўқ», — деди Бекешев.
Халқ вакили «ота-оналар фарзандлари қаерга кетаётганини мустақил кузатиши кераклигини, ҳар қандай ҳолатда ҳам мамлакатдан чиқишнинг минглаб йўлларини топиб олишларини» қўшимча қилди.
