Президент Садир Жапаров 25 майда Олий Евросиё иқтисодий кенгашининг (ОEИК) умумий йиғилишида меҳнат муҳожирлари учун ҳужжатларни расмийлаштириш жараёнини соддалаштиришни таклиф қилди. Бу ҳақда президент матбуот хизмати хабар берди.
Жапаров миграция «тўрт эркинлик» лойиҳасининг энг муҳим йўналиши бўлиб саналишини таъкидлади – капитал, хизмат кўрсатиш, ишчи кучи ва товарнинг эркин ҳаракатланиши. Шунингдек, у технологиялар ЕОИИ фуқаролари ишга жойлашишган вақтда талаб қилинадиган маъмурий тартиб-қоидалардан ўтишини осонлаштириш имконини беришини қўшимча қилди.
«Фуқароларга бошқа давлатда ишга ўрнашиш зарур бўлган иш-ҳаракатларни электрон форматда, жумладан фуқаролиги бўлган давлатда амалга ошириш имкониятини бериш керак», — деб билдирди Жапаров сўзларини унинг матбуот хизмати.
Жапаровнинг сўзларига кўра, Россияда бўлиш учун кетган ишчининг ўз давлатида тиббий кўрик натижаларини тан олиш биринчи қадам бўла олади.
Россияда Марказий Осиё давлатларидан, жумладан Қирғизистондан кўплаб муҳожирлар бор. 2023 йилнинг мартида ЕОКнинг Меҳнат миграцияси ва ижтимоий муҳофаза қилиш департаменти директори Алтинай Омурбекова, ЕОИИдаги меҳнат муҳожирларининг умумий сони комиссия томонидан 1,6 млн киши деб ҳисобланаётганини, уларнинг аксарияти Қирғизистон фуқароларига тўғри келишини билдирган.
