Миллий энергохолдинг бошчиси Талайбек Байгазиев ўлкада қиш фаслида электр энергияси ўчмайди, деган юз фоизлик кафолат йўқ деб билдирди. Бу ҳақда у 11 майда Бишкекда ўтган брифингда айтди.
«Ҳеч қандай юз фоизлик кафолат йўқ. Бироқ энергетиклар электр энергияси билан узлуксиз таъминлашга ҳаракат қилишмоқда. Агар қўшни давлатлар билан электр энергиясини импорт қилиш бўйича шартномалар тўхтаб қолмаса, бизнинг тармоқлар истеъмолчиларнинг эҳтиёжини 100% ёпишга имкон беради. Айрим марказлардагина чекловлар бўлиши мумкин, аммо оммавий равишда вақти-вақти билан ўчириш режамиз йўқ», — деди у.
Шу йилнинг январида Қирғизистонда кучли совуқ сабаб электр энергияси режали равишда ўчирилган. Бу ҳақда айрим яшовчилар ёруғлик бир неча соатга эмас, кун бўйича ўчаётганини айтиб норози бўлишган.
Бу норозиликка жавоб тарзида Энергетика вазирлиги электр энергиясини ўчиришни тасдиқланган графикларини эълон қила бошлаган.
Ҳукумат совуқ тушиши билан вақти-вақти билан ўчиришлар бўлмаганини, электр ёруғлиги бир неча соатга йўқ бўлганини «таъмирлаш чоралари» деган.
