Мамлакатда жисмоний шахслар 100 кунлик реформа дастури бўйича уй шароитида болалар боғчаси оча олади

108

Болалар ҳуқуқи бўйича мухтор вакил Асель Чинбаева 24 апрелда матбуот анжуманида «Ҳукумат акселераторлари» методологияси асосида 100 кунлик реформалаш дастури бўйича жисмоний шахсларга патент асосида уйларида болалар боғчаси очишга рухсат берилганини билдирди.

Чинбаева жисмоний шахслар болалар боғчаларини имтиёзли тартибга солувчи юридик, санитар ва билим бериш талабларини бажариш билан патент асосида оча олишини айтди. Бу йўл билан унинг қўл остидаги гуруҳ ўлкадаги мактабгача таълим танқислиги муаммосини ҳал қилишни режалаштирмоқда.

«Синов лойиҳаси асосида 14 апрелдан бошлаб Бишкекнинг Ленин ва Биринчи Май туманларида уйида боғча очишни истаган жисмоний шахсларни рўйхатга олиш бошланган», — деб қўшимча қилди Болалар ҳуқуқи бўйича мухтор вакил.

Чинибаеванинг айтишича, Қирғизистонда 1 млн 200 минг мактабгача ёшдаги болалар бор. Аммо уларнинг фақатгина 24% билим олади.

Уй шароитида бола боғча очишни истаганлар учун ўргатувчи модуль ишлаб чиқилган. Таълим вазирининг ўринбосари Токтобубу Ашимбаеванинг айтишича, бу модулда асосий маълумотлар бор ва бу уч кун давом этади.

Биринчи кун шароитида кўрсатилувчи давлат хизматларининг стандартларига минимал ўқитишни ва педагогик фаолиятни амалга ошириш учун асосий билимни ўз ичига олади. Иккинчи ва учинчи кунлари тегишли идораларнинг вакиллари бола ривожланишининг талаблари, хизматлари ва асосий стандартлари ҳақида маълумот беришади.

Ўқувдан ўтгандан кейин иштирокчилар тестдан ўтиб, кейин ўқишни тугатгани ҳақидаги сертификатларни олади.

100 кунлик реформа дастури март ойининг охирида ишга тушади. Бу дастур бўйича Бирлашган араб амирликлари 2016 йили ишлаб чиққан «Ҳукумат акселераторлари» методологияси киритилади.

Бу методология бўйича давлат идоралари муҳим масалаларни ҳал қилиб, қўйилган мақсадга 100 кун ичида етиши керак.

Биринчи босқич қуйидаги уч йўналишда бўлади:

  • Мактабгача таълим хизматларини етказишда ва мактабгача таълим ёшидаги болаларни билим олишга жалб қилинишидаги тўсқинликларни камайтириш;
  • Электромобиллар учун электр станцияларни қуришга рухсат олишни соддалаштириш;
  • Ногиронлиги ҳақидаги гувоҳномани бериш, гувоҳномани қайта бериш жараёнларини соддалаштириш.