Деярли ярим йил аввал, 23 октябрда Кампиробод иши бўйича 30 га яқин фаол ва сиёсатчи қамалган. Уларнинг деярли ярми қўйиб юборилган, бироқ бир қисми ҳали ҳам қамоқда.
Ҳимоячи Канат Хасанов Кампиробод ишининг қамоқхонадаги айбланувчиларининг суратини эълон қилди. Бир кун олдин суд уларнинг ҳимоя чорасини 20 июнга қадар қамоқда қолдириш тарзида узайтирган.
18 апрель ҳолатига кўра, қуйидаги шахслар ҳибсда қолмоқда: Бектур Асанов, Акил Айтбаев, Темир Махмудов, Равшан Жээнбеков, Кубаничбек Кадиров, Кенешбек Дуйшобаев, Жениш Молдокматов, Атай Бейшенбек, Марат Баязов, Азимбек Бекназаров, Али Шабдан, Эрлан Бекчоро уулу, Айданбек Акматов, Айбек Бузурманкулов ва Илгиз Шаменов.
Ҳуқуқ ҳимоячиси Рита Карасартованинг бош ҳимоя чораси 18 апрелда кўриб чиқилиши керак.
Кампиробод ишининг барча иштирокчилари оммавий тартибсизликлар уюштиришга тайёргарлик кўрганликда айбланмоқда.
Ҳибсга олинганлар айбига иқрор бўлмаган ва босим бўлаётганини айтиб келмоқдалар. Уларнинг барчаси, Кампиробод сув омборининг Ўзбекистонга ўтказилишини очиқдан-очиқ танқид қилганликлари учун ҳибсга олинишига асосий сабаб, деб ҳисоблашади. Уларнинг сўзларига кўра, бу иш бўйича тергов ишлари юргизилмаяпти.
2023 йилнинг январида ИИВ Кампиробод ишини бутунлай маҳфий қилган. Бу эса адвокатларнинг ғазабини қўзғатди ва улар бу ҳаракатни асоссиз деб аташган. 15 март куни Бишкек шаҳар суди ушбу иш бўйича қўйилган махфийлик муҳрини қисман олиб ташлади.
