Бишкекнинг Биринчи май туман суди шаҳарнинг марказий қисмида митинг ўтказиш тақиқини 2023-йилнинг 1-июлигача узайтирди. Бу ҳақда суднинг матбуот хизмати билдирди.
Маълумотда, Бишкек мериясининг Биринчи май туман ҳокимиятининг 31-мартдаги тинч учрашувларни ўтказиш жойларини чеклаш ҳақидаги қарорини қонуний деб топиш бўйича аризасини қаноатлантиргани айтилади.
Митингларни қуйидаги жойларда ўтказиш тақиқланади:
- Ала-Тоо майдони;
- Эркинлик бульвари — Линейний кўчасидан Чуй проспектигача;
- Президент администрация билан Жогорку Кенеш биноси олдида;
- Панфилов парки;
- Т. Турсунбаева номидаги сквер;
- Олий суднинг олди;
- Россия элчилигининг олди;
- МХДҚ биносини олди.
Бу чекловларни давлат ва муниципал расмий тадбирларни ўтказишга алоқаси йўқ. Бошқа митинг ёки акциялар Максим Горкий номидаги истироҳат боғига ўтиши керак.
Бишкекнинг марказида митинг ўтказишни тақиқлаш 2022-йилнинг мартида киритилган. Бу қарорни шаҳарнинг Биринчи май туман ИИБи чиқарган, суд унинг қарорини қонуний деб топган.
Чекловлар Россия элчилиги олдида бир неча акция — Россиянинг Украинадаги урушга қарши ва Украинани қўллаш бўйича акциялар ўтгандан кейин киритилган.
Митинглар тақиқлангани сабаб омбудсмен Атир Абдрахматова баёнот бериб, суд қарорини асоссиз деб атаган.
У бу қарор Конституцияга ва қабул қилинган халқаро мажбуриятларга қарши бўлишини таъкидлаган. Унинг фикрича, бундай қарорлар ўлкани дунё ҳамжамияти олдида дискредитация қилади.
