Маданият вазирлиги «Азаттиқ» ёпилишидан манфаатдор эмас, лекин даъвосини қайтариб олмади

148

17-мартда Бишкекнинг Ленин туман судида «Азаттиқ Медиа»нинг фаолиятини тўхтатиш бўйича Маданият вазирлиги берган даъво асосида суд мажлиси бўлди.

Мажлисда судья Чолпон Каримбаева адвокатларнинг илтимосини қисман қаноатлантириб, олдин 10 дақиқа, кейин 20 дақиқа видео олишга рухсат берди. Кейин эса мажлисни тўлиқ тасвирга олишга рухсат берилди.

Судья ва йиғин иштирокчилари «Настоящее время» телеканалининг «Қирғизистон ва Тожикистон чегарасидаги кучли тўқнашув» номли видеоматериалини кўриб чиқишди. Мана шу видео «Азаттиқ» сайтининг блокланишига ва нашр фаолиятини тўхтатиш ҳақидаги шикоятга асос бўлган.

Ленин туман судидаги мажлис, 17-март. Сурат: Kloop.

Лекин унда вазирликнинг ахборот ва оммавий коммуникациялар бўлимининг бошчиси Салкин Сарногоева Маданият вазирлигининг «Азаттиқ»ни ёпиш мақсади йўқ» деб билдирди.

«Биз бу [2022-йилнинг сентябридаги қирғиз-тожик чегарасидаги қуролли можаро вақтида] маълумотлар жангини кучли медиа жамоатчилик ёрдами билан енгиб олганимизни баримиз биламиз», — деди у.

Маданият вазирлигининг яна бир вакили «Азаттиқ»ни мамлакатга меҳнати синганига қарамай, барча ОАВлар қонунга амал қилиши керак деб таъкидлади.

«Азаттиқ»нинг адвокатлари маданият вазирлиги «Настоящее время»нинг материалида миллатлараро низо қўзғатиш ёки урушга ташвиқот белгилари борлиги бўйича далил келтирмагани учун суддан даъво аризасини рад этишни сўради.

Маданият вазирлигининг вакиллари судга телеканалнинг сюжетига миллатлараро низони қўзғатиш ва урушга ташвиқ қилиш бўйича лингвистик экспертиза тайинлаш илтимоси билан мурожаат қилишган.

«Азаттиқ»нинг адвокатлари вазирлик олдин уларга экспертиза тайинлашдан манфаатдор эканини маълум қилмаганини айтиб, бу таклиф билан танишиб чиқиши кераклигини таъкидлашди. Натижада суд жараёни 24-мартга сурилди.

«Азаттиқ»нинг блокланиши

«Азаттиқ» радиосининг сайти 2022-йилнинг октябрида икки ойга блокланган. Бу қарорни Маданият вазирлиги қабул қилган. Бунга мазкур медиада сентябрдаги қирғиз-тожик чегарасидаги қуролли можаро ҳақидаги «миллий манфаатларга қарши келган ноаниқ материал эълон қилингани» сабаб бўлгани айтилган.

Муассасадан «Азаттиқ»нинг сайтини тўсишга «Ҳозирги вақт» («Азаттиқ» радиосига қарашли тизим) телеканалининг «Қирғизистон ва Тожикистон чегарасидаги шиддатли тўқнашув» номли видеоматериалида «низо тилининг элементлари, Қирғизистон томоннинг Тожикистонга ҳужуми деган тарздаги аниқланмаган маълумотдан фойдаланилган» деб билдиришган.

Кейин муассасадан улар ноаниқ деб ҳисобланаётган материал ўчирилмагунча нашрнинг сайти блокланишини айтишган.

«Азаттиқ Европа/Азаттиқ» радиосининг президенти Жейми Флай нашр эълон қилган «материалда стандартлар бузилмаган деган хулосага келишганини билдириб, «эркин медиани таъқиб қилиш қирғиз демократиясига соя солади» деб таъкидлаган.

2023-йилнинг январида Маданият вазирлиги «Азаттиқ Медиа»ни оммавий ахборот воситаси сифатида фаолиятини тўхтиш илтимоси билан судга мурожаат қилган. Ариза беришга баҳсли материални ўчирилмагани сабаб бўлгани кўрсатилган.

Флай бунга улар «ўлкадаги ишини давом эттириш учун мумкин бўлган барча қонуний йўллардан фойдаланишини» айтиб жавоб берган.