«Азаттиқ»нинг сайтни блоклашга қарши аризаси бўйича суд мажлиси яна кўчирилди

166

Бишкекнинг маъмурий суди Маданият вазирлигининг «Азаттиқ Медиа» сайтини блоклаш тўғрисидаги қарорини ноқонуний деб топиш борасидаги нашрнинг даъво аризаси бўйича мажлисни яна бошқа кунга кўчирди.

Суд мажлисини кўчиришда судга Адлия вазирлигидан «Настоящее Время» телеканалининг Қирғизистонда ҳуқуқий томон қатори ҳуқуқий мақоми ҳақида жавоб келмагани сабаб бўлди. Кейинги мажлис 7-мартга белгиланди.

«Азаттиқ»нинг блокланиши 

«Азаттиқ» радиосининг сайти 2022-йилнинг октябрида икки ойга блокланган. Бундай қарорни Маданият вазирлиги қабул қилган.

Бунга мазкур медиада 14-17-сентябрдаги қирғиз-тожик чегарасидаги қуролли жанжал ҳақида «миллий манфаатларга қарши келган ноаниқ материал эълон қилингани» сабаб бўлгани айтилган. 

Муассасадан «Азаттиқ»нинг сайтига тўсиқ қўйилишига «Настоящее время» («Азаттиқ» радиосига қарашли тизим) телеканалининг «Қирғизистон билан Тожикистон чегарасидаги қаттиқ кураш» номли видеоматериали сабаб бўлганини билдиришган.

 Маданият вазирлиги лавҳада «адоват ҳарактеридаги сўзлар қўлланилгани, Қирғизистон томоннинг Тожикистонга ҳужуми деган тарздаги тасдиқланмаган маълумот, Боткен вилоятидаги воқеаларни ёритишда жамоатчилик вазиятини таранглаштириб, фуқароларнинг ўртасида низони,  дискриминацияни ва бўлинишни пайдо қилган маълумотлар аниқланган» деб ҳисоблашади.

«Азаттиқ Европа/Азаттиқ» радиосининг президенти Жейми Флай нашр эълон қилган «материалда стандартлар бузилмаган деган хулосага келишганини билдириб, «эркин медиани таъқиб қилиш қирғиз демократиясига соя солади» деб таъкидлаган.

Шунингдек, январда Маданият вазирлиги «Азаттиқ Медиа»ни оммавий ахборот воситалари қатори фаолиятини тўхтатиш илтимоси билан судга мурожаат қилган. Шикоят аризасини беришга баҳсли мавзуни ўчирилмагани сабаб бўлгани кўрсатилган. Флай бунга улар «ўлкадаги ишини давом эттириш учун мумкин бўлган барча қонуний йўлларни қўлланишларини» айтиб жавоб берган.

Фейк деб топилган хабарлар учун ОАВга нисбатан шикоятлар 2021-йилнинг августида «Ноаниқ (ёлғон) маълумотдан ҳимоя қилиш ҳақидаги» қонун қабул қилингандан сўнг бошланган. «Медиа Полиси Институти»нинг юристлари фейклар ҳақида қонунни «ҳукуматнинг фаолиятига назар солиб, фуқароларга ҳукумат қандай ишлаётганини тушунишга ёрдам берган ахборотларни ошкор қилаётган ОАВга қарши маъмурий ресурс» деб аташган.