«Открытая линия» жамоат жамғармаси сценарий ёзган ва иллюстрация чизган қизлар билан бирга ўсмирларга бағишланган It’s Oky номли ТikTok сериалини ишлаб чиқди. Ўқув сериалида ўсмир қизларга ҳайз ҳақида айтиб беришди.
Сюжетга асос сифатида Қирғизистоннинг етти вилоятидаги ўқувчи қизларнинг воқеалари олинган.
@its_oky.kg Подписывайтесь на канал и следите за историей Даяны! 🫣❤️ #моетеломоедело #девушкипоймут #кыргызстан #феминизмнужен #феминизм #равноправие ♬ оригинальный звук - Heathrow
«Бу анимация билан чизилган мультипликация, унда сиз бош қаҳрамон Даянанинг эмоцияларини, унинг қўрқув ва уялиш туйғуларини кўриб, ҳар бир сериянинг охирида сериални ТikTok аккаунтидаги изоҳларда ўзингизнинг турмуш воқеаларингиз ҳақидаги саволларга жавоб берасиз», — деб билдиришди сериалнинг муаллифлари.
Улар Даянани ҳайз келганда уялган бошқа кўплаган ўсмир қизлар каби таърифлашади. У олдин балоғатга етаётгани ҳақида ҳеч ким билан сўзлашмаган, қолаверса яқинларидан саволларига жавоб олгани ҳам қўрқади.
«[Даяна] биринчи марта ҳайз кўрганда қаерга бориб, кимдан маслаҳат олиб, кимдан ёрдам сўраб, организми нима бўлаётганини билмай пушаймон бўлган. Организмидаги ўзгаришлар ҳақида сўрашни уят деб ўйлаган. Таниши билан бориб прокладка сотиб олишни ҳам уят деб билган. Онасига, опасига қорни, бели оғриётганини айтишдан тортинган», — деб айтиб беришди сериал қаҳрамони ҳақида «Открытая линия» фондидан.
Сериалнинг ўзи 10 эпизоддан иборат, биринчиси 28-февралда берилган. Сценарий ёзган қизлар, сериалнинг асосий сюжети билан бирга ўсмир қизларга ёрдам берган кўплаган йўналишлар бўлишини айтишди.
«Бош қаҳрамон онаси билан опасига ҳайз дегани нима, нима учун оғрийди деган саволларни бериб, ҳаммасини тушунади. Кейин дугонасига уялишдан, маҳзун ҳолатдан қандай чиқса бўлишини айтиб, далда бўлишни ўрганади», — деб билдиришди «Открытая линиядан».
Сценария муаллифлари сериалнинг асосий мақсади — ўсмир қизларга Oky уяли иловаси ва чат-бот ҳақидаги маълумотни етказиш дейишади. Унда ҳайзга боғлиқ уялишдан, тортинишдан халос бўлиш йўлларини ўргатган қўлланмалар бор. Oky ва чат-бот Қирғизистонда ишланган.
«[Қўлланма ва чат ботнинг ёрдами билан] балоғатга етиш ва ҳайзга боғлиқ аниқ маълумотларни олиб, бу ҳақда ишончли одамлар билан сўзлашиб турсанг, ўзинга ишонмаган вазиятдан чиқиб кетсанг бўлади. [Oky] маслаҳат сўраб мурожаат қилишдан қўрқмасликка, ҳайз вақтида ўз циклига, кундалик ҳолатига назар солиб туришни ўргатади: тананга, фаоллигинга, озиқ-овқатинга», — дейишди «Открытая линия»дан.
