Сизнинг қишлоқда қачон тоза сув чиқади? «Ашар»нинг харитасидан кўрсангиз бўлди

122

Қирғизистондаги қишлоқларнинг ярмида тоза ичимлик суви етишмаслиги муаммоси бор. 2020-йилда 300 та аҳоли пунктида сув қувурлари умуман йўқ эди, яна 600 та қишлоқ капитал таъмирлашга муҳтож.

Охирги ярим йилда  «Ашар» Қирғизистондаги чучук сув таъминоти ҳолати ҳақида маълумот тўплаган.

Ушбу тадқиқот натижасида биз Қирғизистон харитасини туздик – харитада сув тизимини таъмирлаш, қайта тиклаш ёки сув қувурлар ўтказиш бўйича барча лойиҳалар ҳақида маълумотлар киритилган. Лойиҳалар грант ёки давлат бюджети ҳисобидан молиялаштирилади.

Агар ҳудудингизда сув муаммоси мавжуд бўлса, харитадаги маълумотларни солиштириб, ҳукумат муаммони ҳал қиладими ёки йўқлигини билиб олишингиз мумкин. Ундаги маълумотлар ҳозирги ҳолатга мос келмаса - масалан, қишлоғингизда тоза сув йўқ, лекин харитада муаммо ҳал қилингани кўрсатилса - бизга ёзишингиз мумкин. Бундай ҳодисанинг тафсилотларини биргаликда аниқлаймиз.

харитага ҳавола

Кўрсатма: Сиз ўз қишлоғингизни топасиз ва пайдо бўлган ойнани босинг - бу қишлоқда қандай ишлар қилинганлигини кўрсатади. Агар Ҳудуд номи рўйхатда бўлмаса, лекин сиз сўров юбормоқчи бўлсангиз, бизга ёзинг.

Нима сабабдан биз тоза сув муаммосини кўтардик?

2022-йил май ойида Kloop Media «Ашар» лойиҳасини ишга туширди. Унинг доирасида жамғарма ҳуқуқшунослари билан биргаликда «Ашар» жамоаси Қирғизистон фуқароларига ҳаёт учун зарур бўлган муаммоларни ҳал қилишда ёрдам беради.

«Ашар»нинг йўналишларидан бири Қирғизистон қишлоқларини тоза сув билан таъминлашдан иборат. Биз биринчи босқичда амалга оширилган ва режалаштирилган лойиҳалар ҳақида маълумот тўпладик.

Координаторлар билан боғланиш: https://t.me/gulzarm https://t.me/salamatshakirovhttp://wa.me/996709888848 http://wa.me/996702008771