Президент Садир Жапаров навбатдаги махсус олий унвонларни топшириш ҳақидаги фармонни имзолади. Бу ҳақда 21 февралда президент администрациясидан билдиришди.
Фармонга мувофиқ, Баткен ВИИБнинг етакчиси Мурат Бороновга милициянинг генерал-майори унвони берилди.
Шунингдек, Тариел Абитовга ҳам шундай унвон берилди. Абитов 2020 йилнинг 20 ноябридан бери ИИВ академиясини етакчиси бўлиб ишлайди. Бунгача у президент Садир Жапаров ва МХДҚ раиси Камчибек Ташиев тузган «Мекенчил» партиясидан номзод бўлган.
Божхона хизматининг бошчиси Самат Исабеков ҳам «божхона хизматининг генерал-майори» бўлди. Исабеков 2022 йил бошидан бери яна мазкур хизматда раҳбар бўлиб ишлаб келади. У 2021 йили 7 июнда ўша вақтдаги вазирлар маҳкамаси раиси Улукбек Мариповнинг буйруғи билан Божхона хизмати раиси этиб тайинланиб, 26 октябрда истеъфога чиққан.
У билан бирга икки ўринбосари ҳам «бошқа ишга ўтгани сабаб» ишдан бўшаган. Исабеков ҳақида очиқ манбаларда маълумотлар оз. Бироқ у 1996 йилдан бери божхона идораларида, турли тезкор хизматларда ишлаётгани маълум. У «Клооп», OCCRP ва «Азаттык» радиосининг Қирғизистондаги йирик миқдордаги пулларни олиб чиқиб кетиш ҳақидаги қўшма суриштирувининг фигуранти.
Муаллиф: Айгерим Белек қизи