Япония Қирғизистонга Бишкек ва Чуй вилоятидаги шифохоналар учун янги тиббий асбоб-ускуналар харид қилиш учун 7,6 миллион доллар миқдорида грант ажратди.
Молия вазирлиги хабарига кўра, бошқарма бошлиғи Алмаз Бакетаев Япониянинг Қирғизистондаги Фавқулодда ва мухтор элчиси Хидэки Года ва Япония халқаро ҳамкорлик агентлигининг доимий вакили Кавамото Хироюки билан грант шартномасини имзолади.
«Лойиҳадан кўзланган мақсад тиббий асбоб-ускуналар билан таъминлаш орқали диагностика салоҳиятини мустаҳкамлашдан иборат», — деди Молия вазирлиги.
Қирғизистон ва Япония ўртасида дипломатик муносабатлар 1992 йил 26 январда ўрнатилган. Қирғизистонда фаолият бошлаганидан буён JICA ва Япония элчихонаси ўртасида 30 та шартнома имзоланган бўлиб, улардан ҳозирда тўртта инвестиция лойиҳаси ва иккита лойиҳа техник кўмак доирасида амалга оширилмоқда. Лойиҳалар транспорт, соғлиқни сақлаш соҳаларини такомиллаштиришга қаратилган.
