1 февраль куни эрталаб журналист Нуртилек Туратбек уулу Миллий хавфсизлик давлат қўмитасида сўроқ қилинди. Унинг айтишича, сўроқ унинг Қирғизистонга ўғирланган автомобилларни ноқонуний олиб кириши бўйича олиб бораётган журналистик суриштируви билан боғлиқ бўлиб, унда Ички ишлар вазирлиги, Миллий хавфсизлик давлат қўмитаси, Давлат рўйхатга олиш хизмати ва бошқа идоралар вакиллари иштирок этмоқда.
Журналистнинг сўзларига кўра, Миллий хавфсизлик давлат қўмитаси унинг тергови тафсилотларига ойдинлик киритиб, Қирғизистонда Россиядан ўғирланган автомобиллар савдоси билан боғлиқ коррупцион схемани тўхтатишга ёрдам беришни сўраган.
«Сўроқ қулай муҳитда ўтди, терговчи томонидан қўполлик кузатилмади. Мени терговим ҳақида маълумот олишга таклиф қилишди. Уларнинг айтишича, Россиядан ўғирлаб кетилган ва Қирғизистонга олиб келинган автомобиллар схемаси 2010 йилдан бери амалда. Мен Қирғизистон ва Россия ўртасида бу каби жиноятларни бостириш учун ягона база яратиш масаласини кўриб чиқишни таклиф қилдим», — деди у «Азаттиқ» билан суҳбатда.
Мақола эълон қилинаётган вақтда Миллий хавфсизлик давлат қўмитасидан журналистнинг сўроқ қилиниши бўйича изоҳ олиш имкони бўлмади.
