Ўзбекистон 2023 йилда Қирғизистонга истеъмол қилган электр энергиясини қайтаради

240

Ўзбекистон 2023 йилда Қирғизистонга истеъмол қилган электр энергиясини қайтаради. Бу ҳақда Ўзбекистон Энергетика вазирлиги хабар берди.

Департамент маълумотларига кўра, Ўзбекистон Туркманистондан шартнома асосида сотиб олинган электр энергиясини Қирғизистонга транзит асосида етказиб беришни давом эттиради.

«Икки мамлакат энергетика вазирликлари ва энергетика компаниялари ўртасидаги ҳамкорлик энергетика тизимидаги ишларни ўзаро тушуниш ва мувофиқлаштириш тамойиллари асосида амалга оширилмоқда», — дейилади вазирлик хабарида.

Декабрнинг бошида Ўзбекистон Қирғизистон сотиб олган Туркман электр энергиясини сарфлагани, бироқ кейин қайтариши маълум бўлган.

Ўшанда Ўзбекистон томони мамлакат бўйлаб вақти-вақти билан электр таъминотида узилишлар юзага келмаслиги учун Қирғизистон томонининг электр энергиясидан фойдаланишга мажбур бўлганини тушунтирган.

Ўзбекистонда сўнгги бир неча йил давомида газ ва электр энергияси танқислиги кузатилмоқда. Ҳукумат газни хорижга сотишни бутунлай тақиқлаган. Чунки газни ҳатто саноат тармоқларидан ҳам олиб, уй-жойларга сарфлашга тўғри келмоқда. Бундан ташқари, айрим ҳудудларда ёқилғи қуйиш шохобчалари ҳам ёпилган.

Шунингдек, «газ ва электр энергияси билан боғлиқ ноқонуний фаолият учун» бир қатор энергетика ишхоналарининг етакчилари қўлга олинган. Президент Шавкат Мирзиёев эса ҳукумат аъзолари ва энергетика корхоналари раҳбарларига «қишга тайёргарликни бузганликлари учун» танбеҳ берган.

Украинадаги уруш шароитида Ўзбекистон ҳукумати газ масаласида Россия билан ҳамкорлик қилишдан бош тортаётган эди. Бироқ Бишкекда бўлиб ўтган ЕОИИнинг сўнгги саммитида Россия президенти Владимир Путин Тошкент ва Остона билан газ соҳасида ҳамкорликни йўлга қўйган эди. Шу билан бирга, Ўзбекистон томонидан бу бўйича раддиялар бўлмаган.